Facebook-ը զբաղվելու է սեփական սերիալների արտադրությամբ
26-06-2017 18:21:58 | | Գիտություն եւ տեխնոլոգիաներ
Facebook սոցիալական ցանցի ներկայացուցիչները հոլիվուդյան գործակալությունների հետ քննարկում սեփական արտադրության սերիալների և հեռուստահաղորդումների ստեղծման հնարավորությունը` որպես մեկնարկ նախանշելով ամռան ավարտը:
Interfax-ի փոխանցմամբ` սոցցանցի ներկայացուցիչները պլանավորում են մինչև 3 մլն դոլար բյուջեյով ֆիլմերի արտադրություն, ինչը համարժեք է հեռուստատեսությամբ ցուցադրվող հեղինակավոր սերիալների բյուջեներին: Բացի այդ, Facebook-ն ակնկալում է 500 հազար դոլարից մինչև 1մլն դոլար բյուջեյով հեռուստահաղորդումների և մինչև 10 րոպե տևողությամբ կարճամետրաժ տեսանյութերի ստեղծում:
Նոր սերիալները նախատեսված են լինելու 13-34 տարեկան անձանց համար, որոնք զերծ կլինեն քաղաքական թեմաներից, անհարգալից բառապաշարից և էրոտիկայից:
Ընկերության համար կարևոր պայման է հանդիսանում նկարահանված նյութի համար հեղինակային իրավունքի ստացումը, ինչը մեծ խնդիրներ է առաջացնում: