Ահազանգ ՌԴ-ից. Հայ վարորդները՝ արտաքսման վտանգի տակ
28-05-2019 14:01:08 | Ռուսաստան | Քաղաքական
Ռուսաստանի Դաշնությունում ժամանակավոր աշխատանքային թույլտվություն ունեցող հայ վարորդներին երկու և ավելի խախտման դեպքում արտաքսում (դեպորտ) են Հայաստան: Այս մասին «Նոյյան Տապան»-ի հետ զրույցում տեղեկացրեց ռուսաստաբնակ մեր հայրենակից Հայկը:
Ըստ նրա՝ ռուսական իշխանությունները հաշվի չեն առնում անգամ այն հանգամանքը, որ խախտումներ թույլ տված վարորդները վճարում են տուգանքները:
Հայկի փոխանցմամբ՝ նույնը չի վերաբերում ՌԴ քաղաքացիություն ունեցող հայերին և ԵԱՏՄ անդամ մյուս երկրների քաղաքացիներին:
Աղբյուրի տեղեկացմամբ՝ հայ վարորդներին արտաքսելու ռուսական կողմի որոշումն իրականացվում է ներքին հրահանգով՝ պատճառաբանելով, որ երկու երկրների իշխանությունների հարաբերություններում ամեն ինչ այդքան էլ հարթ չէ և որ Հայաստանում ռուսերենը չճանաչվեց որպես երկրորդ պետական լեզու:
Մեր հայրենակիցը, դիմելով ԶԼՄ-ների օգնությանը, խնդրում է պատկան մարմիններին ուշադրություն դարձնել այդ խնդրին և հնարավորության դեպքում հարցը բարձրացնել վարչապետի, ԱԳՆ-ի և ԱԺ տարածաշրջանային և եվրասիական ինտեգրման հարցերի մշտական հանձնաժողովի մակարդակով:
ՀԱՅԵՐԵՆ
Русский
English
Դաս. հայերեն
French
