Հայկ Մարությանն ընդունել է Ուրուգվայի ԱԳ նախարար Ռոդոլֆո Նին Նովոային
15-08-2019 17:00:17 | Հայաստան | Մամլո հաղորդագրություն
Երևանի քաղաքապետ Հայկ Մարությանն ընդունել է Ուրուգվայի Արևելյան Հանրապետության արտաքին գործերի նախարար Ռոդոլֆո Նին Նովոային:
Ողջունելով հյուրին՝ քաղաքապետ Մարությանը նշել է, որ հայ-ուրուգվայական հարաբերությունների բարձր մակարդակը պարտավորեցնում է խորացնել կապերը երկու երկրների մայրաքաղաքների միջև: Հայկ Մարությանի խոսքով՝ Երևանը և Մոնտեվիդեոն կարող են համագործակցել և փոխանակել փորձառությունը քաղաքային տնտեսության կառավարման ոլորտի բոլոր ուղղություններում։
Իր հերթին Ռոդոլֆո Նովոան, որը նախկինում զբաղեցրել է մայրաքաղաք Մոնտեվիդեոյի քաղաքապետի պաշտոնը, պատրաստակամություն է հայտնել աջակցելու քաղաքների միջև կապերի խորացմանը՝ նշելով, որ տպավորված է երևանյան կյանքի աշխուժությամբ:
Զրուցակիցները քննարկել են երկկողմ հետաքրքրություն ներկայացնող մի շարք թեմաներ, մասնավորապես, Երևանում Ուրուգվայի հրապարակի բարեկարգմանը, Մոնտեվիդեոյի և Երևանի միջև համագործակցության համաձայնագրի կնքմանը և այլ ոլորտներին վերաբերող:
ՀԱՅԵՐԵՆ
Русский
English
Դաս. հայերեն
French
