Ինչու Ամուլսարի հանքի նոր ՇՄԱԳ-ի մասին չկա հստակ տեղեկություն
05-09-2019 14:15:01 | Հայաստան | Ի՞նչ է գրում մամուլը
Վարչապետի մամուլի քարտուղար Վլադիմիր Կարապետյանը այսօր լրագրողների հետ զրույցում անդրադարձավ հարցին, թե ինչո՞ւ հասարակությանը հստակ տեղեկություն չի տրամադրվում՝ Ամուլսարի հարցով նոր ՇՄԱԳ-ի անհրաժեշտություն կա, թե՞ ոչ։
«Հասարակությունը, համաձայն եմ, սպասում է արձագանքի և սպասում է որոշման։ Բայց քանի դեռ որոշումը վերջնական չէ, չեմ կարող հստակ ասել, թե որոնք կլինեն հետագա գործողությունները։ Կարող եմ միայն հավաստիացնել, որ քննարկումները շարունակվում են, և առաջիկայում պատկան գերատեսչությունները կանդրադառնան հարցին»,- ասաց Կարապետյանը։
Նրա խոսքով՝ վարչապետը Շրջակա միջավայրի նախարարությանը հանձնարարել էր պատրաստել իրենց մոտեցումները՝ նոր ՇՄԱԳ-ի վերաբերյալ։ Եվ նախարարը երեկ զեկուցեց իր մոտեցումները, հարցի վերաբերյալ իր տեսակետը ներկայացրեց։ «Ինքը տարբեր մոտեցումներ ներկայացրեց, մենք մանրամասն կանդրադառնանք։ Այնքան, ինչքան հնարավոր է, մեր մամուլի հաղորդագրության մեջ կար»,- հավելեց նա։
ՀԱՅԵՐԵՆ
Русский
English
Դաս. հայերեն
French
