Հրազդանի ավանդական կարատեի պատանի մարզիկները՝ Եվրոպայի չեմպիոններ
23-10-2019 16:29:10 | Ռուսաստան | Սպորտ
Օրերս Ռուսաստանի Դաշնության Օդենցովո քաղաքում տեղի է ունեցել ավանդական կարատեի Եվրոպայի մեծահասակների 34-րդ, մանկապատանեկան 6-րդ գավաթի և 1 սիրողական գավաթի առաջնություններ, որին մասնակցել է նաև Ավանդական կարատե – դո ֆեդերացիան՝ նախագահ, սև գոտի 5- րդ դան Սուրեն Մաթևոսյանի գլխավորությամբ:
Առաջնություններին մասնակցել և իրենց մրցելույթներով փայլել է նաև ֆեդերացիայի Հրազդանի մասնաճյուղի մարզիկների 7 հոգանոց թիմը՝ նվաճելով 6 ոսկե և 1 արծաթե մեդալներ՝
Լևոն Եղիազարյան- 12-13 տարեկան- Անհատական կատա-1-ին, Էն-բու-2-րդ
Սարգիս Մխիթարյան- 12-13 տարեկան՝ Անհատական Կումիտե-1-ին, Անհատական կատա-2-րդ
Դավիթ Իսրայելյան – 10-11տարեկան՝ Թիմ.կատա-1-ին,
Էն-բու-1-ին
Ալիսա Աղաջանյան- 8-9 տարեկան՝ Էն-Բու-1-ին
Ալեքս Ռուստամյան 8-9 տարեկան՝ Էն-բու-1-ին
Մանվել Կարապետյա- 10-11տարեկան՝ Թիմ.կատա-1-ին,
Էն-բու-2-րդ, Անհատական կատա-3-րդ:
Մարզիչներ Գոռ Ավագյանն ու Նորայր Մարտիրոսյանը հպարտությամբ են պատմում մարզիկների հաջողությունների մասին՝ ընդգծելով, որ սա, թերևս, նրանց՝ մինչ այժմ ունեցած ամենամեծ ձեռքբերումն է.
«Մենք անպայման սպասում էինք հաղթանակների: Ոգևորությամբ ճանապարհել ենք նրանց, մեծ շուքով դիմավորել: Մինչ այս առաջնությունը մեր մարզիկներն էլի մասնակցել են տարբեր միջազգային մցույթների, բայց սա իր տեսակով ամենավարկանշայինն է ու մեր մարզիկներին առաջ գնալու, ավելիին հասնելու հնարավորություն կտա: Երբ որ իմացանք, որ հաղթել են, շատ ուրախացանք: Զուռնա դհոլով գնացել ենք օդանավակայան, դիմավորել մեր չեմպիոններին: Սա մեզ համար կարևոր ձեռքբերում է»,-պատմել են մարզիչներ Նորայր Մարտիրոսյանը և Գոռ Ավագյանը:
ՀԱՅԵՐԵՆ
Русский
English
Դաս. հայերեն
French
