Արցախում ՀՀ վարչապետի՝ սահմանադրական պարտականութիւններն անտեսելու պատճառով առաջացած ծանրագոյն հետեւանքների մասին

21-01-2020 16:29:22   | Հայաստան  |  Հասարակություն
ՔԱՐՎԱՃԱՌԻ ԲՆԱԿԻՉ ԱԼԵՔՍԱՆԴՐ ՔԱՆԱՆԵԱՆԻ
ՅԱՅՏԱՐԱՐՈՒԹԻՒՆԸ
 


ԱՐՑԱԽՈՒՄ
ՀՀ ՎԱՐՉԱՊԵՏԻ՝ ՍԱՀՄԱՆԱԴՐԱԿԱՆ ՊԱՐՏԱԿԱՆՈՒԹԻՒՆՆԵՐՆ ԱՆՏԵՍԵԼՈՒ ՊԱՏՃԱՌՈՎ ԱՌԱՋԱՑԱԾ ԾԱՆՐԱԳՈՅՆ ՀԵՏԵՒԱՆՔՆԵՐԻ ՄԱՍԻՆ
 
2018 թ․ մայիսին Սերժ Սարգսեանի ապապետական վարչակազմն իշխանազրկած եւ նոյն թուականի դեկտեմբերին արտահերթ խորհրդարանական ընտրութիւններում լիակատար յաղթանակած ՀՀ նոր աւրինաւոր իշխանութիւնը սեպհական գիտակից ջանքերով լուրջ եւ ակնառու քայլեր է ձեռնարկել երկրում աւրինականութեան եւ արդարութեան միջավայրն արմատաւորելու, պաշտպանական համակարգը վայրընթաց քայքայումից փրկելու եւ տնտեսական զարգացումը որոշակիաւրէն խթանելու ուղղութեամբ։
 
Այսուհանդերձ՝ արցախեան քաղաքականութեան արտաքին՝ բանակցային, եւ ներքին՝ վարչատնտեսական ոլորտներում ՀՀ ներկայիս կառավարութիւնն, ի հեճուկս համազգային սատարմամբ յեղափոխութեան ընծայած ահռելի հնարաւորութիւնների, քաղաքական կամք եւ խոհեմութիւն չի ունեցել ողջամիտ եւ հետեւողական քայլերով վերացնելու Արցախը Հայաստանի Հանրապետութիւնից մեկուսացնող սակաւ ապաւրինի իրաւակարգաւորումներն ու դրանց հիմքում ընկած մերժելի հայեցակարգը։ Դրա
փոխարէն, ղեկավարուելով քաղաքական իրողութիւնների հետ որեւէ աղերս չունեցող անլուրջ ու անվայել հաշուարկներով եւ տարապայման վախերով, ՀՀ ներկայիս կառավարութիւնը շարունակում եւ խորացնում է Արցախը Հայաստանից աւտարող, Հայոց ինքնիշխան պետականութեան երկփեղկումը խորացնող եւ Հայաստանի ազգային անվտանգութեան հիմքերը համակարգաւրէն քայքայող «երկու հայկական պետութիւնների»՝ քաղաքականապէս եւ քրէաւրէն պատժելի անհեթեթ բեմականացումը։
 
Ապապետական նախորդ վարչակազմերից ապակենսունակաբար ժառանգուած, ՀՀ հիմնարար պետականաստեղծ ակտերին հակասող, արցախաբնակ ՀՀ քաղաքացիների ընտրական իրաւունքը հակասահմանադրաբար ոտնահարող, Արցախն՝ արտաքին շահագրգիռ տէրութիւնների ձեռքում մնացեալ Հայաստանի դէմ խարդաւանքների գործիք դարձնող «երկու պետութիւնների» կեղծ հայեցակարգը լրջագոյն սպառնալիքների եւ համազգային նշանակութեան աղէտների պատճառ է դարձել։ ՀՀ կառավարութեան՝ ՀՀ ինքնիշխան տարածքի անքակտելի մաս կազմող Արցախի պետական կառավարման համար ուղիղ սահմանադրական պատասխանատուութիւնից հրաժարուելու անվայել, խորապէս անբարոյ եւ իր իսկ շահերի տեսանկիւնից հակարդիւնաւէտ քաղաքականութեան պատճառով Արցախում ոչ միայն ստեղծուել են առաւելագոյն նպաստաւոր պայմաններ սպասուող տեղական ընտրութիւններում քրէական ոլիգարխիայի լիակատար վերարտադրութեան համար, այլեւ սանձարձակ անպատժելիութեան գագաթնակէտին են հասել Արցախի բնութեան դէմ կատարուող յանցագործութիւնները, մասնաւորապէս՝ անտառահատումների ծաւալն ու բոլոր հնարաւոր բնապահպանական կարգաւորումները ոտնահարող տասնեակ փոքր ՀԷԿ֊երի շինարարութիւնը։ Լեւ, Թրղի, Հոչանց, Աղաւնոյ գետերի աւազանները համարեա ամբողջովին ջրազրկուած են։ Հակարի եւ Տրտու (Թարթառ) գետերի վերին
հոսանքի աւազանն ամենակարճ ժամկէտում՝ նոյնպէս։
 
Ուստի՝ Արցախում ստեղծուած բնապահպանական եւ քաղաքական ծայրահեղ ծանր աղետալի կացութեան համար առաջին եւ գլխաւոր պատասխանատուն է Հայաստանի Հանրապետութեան կառավարութիւնն՝ ի դէմս վարչապետ Նիկոլ Փաշինեանի, որն անձամբ կրում է ուղիղ եւ չմիջնորդաւորուած քաղաքական, պատմական եւ մարդկային պատասխանատուութիւն։ Թաւշեայ յեղափոխութեան առաջնորդին յորդորում ենք գիտակցել ազգի եւ պետութեան առջեւ ստանձնած պատասխանատուութեան չափը եւ գործել ըստ արժանւոյն։
 
Ալեքսանդր Քանանեան
ք․ Քարվաճառ
2020 թ․ յունուարի 20։
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 268 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար