ՀՀ իրավապահ մարմիններն իքս պահից սկսած գործել են շատ էֆեկտիվ և արդյունավետ. վարչապետ (ՏԵՍԱՆՅՈՒԹ)
25-01-2020 14:54:48 | Հայաստան | Հասարակություն
ՀՀ իրավապահ մարմիններն իքս պահից սկսած գործել են շատ էֆեկտիվ և արդյունավետ:
Այս մասին այսօր Կապանում հրավիրված մեծ ասուլիսի ընթացքում հայտարարեց ՀՀ վարչապետը՝ պատասխանելով լրագրողի այն հարցին, թե ովքե՞ր են Հայաստանում եղել է պետական հեղաշրջման փորձ իրականացնողները և արդյո՞ք պատժվել են, ինչպես նշել է Անվտանգության խորհրդի քարտուղար Արմեն Գրիգորյանը:
Ըստ նրա՝ Արմեն Գրիգորյանի հայտարարության առումով գործ ունենք ժամանակակից լրատվության մի ֆենոմենի հետ, որը կոչվում է «վերնագրային» ընթերցում:
Վարչապետի խոսքերով՝ մարդիկ սովորաբար ոչ թե բուն նյութն են կարդում, այլ վերնագիրը:
«Արմեն Գրիգորյանը կոնկրետ նման հայտարարություն չի արել, նա տվել է ձևակերպումներ, որոնք լրագրողին բերել է այդպիսի եզրակացության: Սրանք տարբեր բաներ են. Օրինակ՝ ժամանակակաից աշխարհում կա տերմին՝ հիբրիդային պատերազմ, որի ամբողջ իմաստն այն է, որ այդ պատերազմն ընթանում է, բայց այն ոչ մեկ չի նկատում և իրականում պատերազմային պարամետրերով այն չկա: Եթե Արմեն Գրիգորյանի հայատարություններն ճշգրիտ ձևակերպենք կամ փորձենք մեկնաբանել, կարող ենք մեկնաբանել դա որպես հիբրիդային ինչ-որ մի երևույթի նկարագրություն: Եթե այսպես ձևակերպենք, կարող ենք դա նաև անվանել հիբրիդային հեղաշրջման հիբրիդային նախապատարստություններ: Հիմա մենք կարող ենք դրա մասին խոսել, քանի որ այդ գործընթացը լիարժեքորեն ու վերջնակապես ջախջախված է և պարտված»,- ընդգծեց Ն. Փաշինյանը:
ՀԱՅԵՐԵՆ
Русский
English
Դաս. հայերեն
French
