Քո մանկության երազանքն էր «դառնալ Սերժ», ու այլևս, բացի փողից, ուրիշ բան չունես. Սիմոնյանը՝ Վանեցյանին
28-01-2020 10:10:07 | Հայաստան | Ի՞նչ է գրում մամուլը
ՀՀ ԱԺ փոխխոսնակ Ալեն Սիմոնյանը ֆեյսբուքյան իր էջում գրառում է կատարել իր նախկին ընկերոջ՝ ՀՀ ԱԱԾ նախկին տնօրեն Արթուր Վանեցյանի մասին.
«Արթուր, ախր, ես քեզ այնքան լավ գիտեմ..
Գիտեմ՝ ոնց գլուխդ պտտվեց վաղաժամ ուսադիրներից և ուշադրությունից: Քեզ թվաց, որ Նիկոլի շողքը դա դո՞ւ ես, հընգեր ջան:
Քեզ թույլ ես տալիս ցածրորակ արտահայտություններ անել՝ մոռանալով, որ քեզանից այսօր նույնիսկ հարցազրույց, որ վերցնում են, ինձ ես պարտական:
Ասում ես՝ ինձ նախկին ընկեր այն պարագայում, երբ ես ամեն հարցազրույցում, ի հեճուկս քո դավաճանության, ինձ, վարչապետին, երկրին քեզ ընկեր եմ անվանել: Ես քեզ շանս տվեցի դառնալ հեղափոխական, դու գնացիր քո մանկության երազանքի ետևից՝ «դառնալ Սերժ», այդ հարցում էլ քեզ կօգնեմ, խոստանում եմ. կսերժացնեմ մինչև վերջ, և «Թվիթերը», որի գաղտնաբառը դու նույնիսկ չգիտես, քեզ չի օգնի:
Դու այլևս, բացի փողից, ուրիշ բան չունես: Եվ միակ պատմությունը, որ ոտի վրա է հորինվել, դա դու ես»:
ՀԱՅԵՐԵՆ
Русский
English
Դաս. հայերեն
French
