Խնդրել եմ դադարեցնել Հայկուհի Խաչատրյանի ներկայացուցչիս լիազորությունները. փաստաբան
14-02-2020 17:22:13 | Հայաստան | Իրավունք
ՄԱՅՐԵՐԻ ՀԵՏ ՄԻԱՍԻՆ ՀԱՍՆԵԼՈՒ ԵՆՔ ԱՐԴԱՐՈՒԹՅԱՆ ԻՆՉ ԷԼ ՈՐ ԱՆԵՔ....
Այսօր ՀՀ քննչական կոմիտեի Մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության պետ՝ Հովհաննես Համբարյանին ուղարկեցի գրություն, որով խնդրել եմ դադարեցնել Հայկուհի Խաչատրյանի ներկայացուցչիս լիազորությունները:
Նշեմ, որ անձի իրավունք է իր հայեցողությամբ ընտրել ներկայացուցիչ, այդ թվում մի քանի: Անձի իրավունքն է հրաժարվել ներկայացուցչից և որևէ դատապարտելի բան չկա դրանում:
Միաժամանակ հարկ եմ համարում իմ բոլոր վստահորդներին տեղեկացնել, որ մեր ազնիվ և արդար պայքարը շարունեկելու ենք, և վերականգնվելու է արդարությունը և անելու ենք ամեն բան, որպեսզի եղած ապօրինությունները բացահայտվեն իսկ հետագայում չգրանցվեն երեխաների վաճառքի, ապօրինի որդեգրման դեպքեր:
Փոքր բայց հաստատուն քայլերով շարժվելու ենք առաջ:
Ես իմ վստահորդներին մենակ չեմ թողնելու ճանապարհի կեսին, ետ չեմ կանգնելու մեր նպատակների իրականացումից:
Այն մարդիք ովքեր ճղճիմ ճանապարհներով փորձ են անում անլրջացնել այս պայքարը, հասցնել բամբասանքի, էժան խոսակցությունների մակարդակի, որպեսզի չեզոքացնեն հարային հետքարքրությունը՝ ուղղակի ցավակցում եմ:
Իսկ այն հանճարեղ անճարներին, որոնք որոշել են կրկնել այն նույն սխալը, որը թույլ տվեցին դեռևս 2016 թվականին խորհուդ կտամ ապաշխարհել քանզի նրանց հանցավոր ճանապարհորդությունը մոտենում է ավարտին իսկ ճանապարհի վերջում սպասում է օրենքի ողջ խստությամբ պատասխանատվությունը:
ՀԱՅԵՐԵՆ
Русский
English
Դաս. հայերեն
French
