Սաուդյան Արաբիան կորոնավիրուսի ֆոնին դադարեցնում է ուխտավորների մուտքը երկիր
27-02-2020 10:40:02 | Սաուդյան Արաբիա | Ի՞նչ է գրում մամուլը
Սաուդյան Արաբիան մի շարք միջոցներ Է ձեռնարկել իր տարածքում նոր տիպի կորոնավիրուսի տարածումը կանխելու համար: Այդ մասին հայտնել Է թագավորության ԱԳ նախարարությունը, տեղեկացնում Է «Արմենպրես»-ը:
Մասնավորապես, կառավարությունը կարգադրել Է դադարեցնել ումրայի՝ փոքր հաջի նպատակով անձանց մուտքը երկիր, որը մուսուլմաններն իրականացնում են ցանկացած ժամանակ, բացառությամբ մեծ հաջի ամսի: Բացի դրանից, ժամանակավորապես արգելքի տակ Է հայտնվել այն երկրներից զբոսաշրջիկների այցելությունը թագավորություն, որոնց տարածքում «կորոնավիրուսի բռնկում Է արձանագրված»՝ Սաուդյան Արաբիայի «առողջապահության իրավասու մարմինների չափանիշներին համապատասխան», հաղորդել Է ՏԱՍՍ-ը: