«Քիչ առաջ հանդիպեցի «Այո»-ի նկարի հեղինակներից Ստեփան Նարոյանի դստեր՝ Սյուզաննայի և կնոջ՝ Ջուլիայի հետ»,- գրել է Սուրեն Պապիկյանը ֆեյսբուքյան իր էջում:

 

«Հաճելի զրույց ստացվեց. խոսեցինք անսպասելի անակնկալի ու մեր առաջարկի մասին»,- ավելացրել է նա:

 

Հիշեցնենք՝ երեկ Պապիկյանը հայտարարել էր, որ կայացվել է որոշում՝ սահմանադրական հանրաքվեի «Այո»-ի քարոզչության լոգոտիպի համար հայտարարված մրցույթում առաջին տեղի համար նախատեսված 3 մլն դրամ մրցանակը բաշխել 3 անձի՝ «Երեկոյան Երեւան» թերթի խմբագրի Նորայր Ենգիբարյանի, գծանկարիչներ Ցոլակ Ղանդիլյանի եւ Ստյոպա Նարոյանի միջեւ: «Ստյոպա Նարոյանն այս տեսքն ունեցող նկարի հեղինակն է, սակայն մահացել է: Գումարը կփոխանցվի նրա ժառանգներին: Աշխատանքներ է տարվում ժառանգներին գտնելու ուղղությամբ»,- ասվել էր երեկ՝ այն բանից հետո, երբ պարզ էր դարձել, որ մրցույթում հաղթող ճանաչված լոգոտիպն իրականում ոչ թե դրա հեղինակը ներկայացող Ռաֆայել Դանիելյանինն է, այլ նույնությամբ կրկնում է 1991 թվականին «Երեկոյան Երեւան» թերթում հրապարակված պատկերը:

Նոյյան տապան  -   Ի՞նչ է գրում մամուլը