Մինչև մարտի 23-ը փակ կլինեն թատրոնները, համերգասրահները, թանգարանները և գրադարանները. Արայիկ Հարությունյան
14-03-2020 13:38:42 | Հայաստան | Հասարակություն
ՀՀ կրթության, գիտության, մշակույթի և սպորտի նախարար Արայիկ Հարությունյանն իր ֆեյսբուքյան էջում գրել է.
«Մշակութային հաստատությունների աշխատանքը դադարեցնելու վերաբերյալ
Հաշվի առնելով կորոնավիրուսի տարածման կանխարգելման միջոցառումների անհրաժեշտությունը՝ առնվազն մինչև մարտի 23-ը փակ կլինեն նաև ՀՀ ԿԳՄՍ ենթակայությամբ գործող թատերական և համերգային կազմակերպությունները՝ թատրոնները, համերգասրահները, ինչպես նաև թանգարանները և գրադարանները։
Հետագա կանխարգելիչ միջոցառումների և կազմակերպությունների գործունեության վերաբերյալ կտեղեկացնեմ լրացուցիչ»։