Եթե ունեցանք այնպիսի պիկեր, ինչպես Իտալիայում կամ Իրանում, դա աղետալի է լինելու երկրի համար. Արսեն Թորոսյան (ՏԵՍԱՆՅՈՒԹ)
26-03-2020 15:31:31 | Հայաստան | Հասարակություն
Եթե ունեցանք այնպիսի պիկեր, ինչպես Իտալիայում կամ Իրանում, դա աղետալի է լինելու երկրի համար թե առողջապահական, թե հումանիտար առումով:
Կորոնավիրուսով պայմանավորված իրավիճակի վերաբերյալ կառավարությունում հրավիրված ասուլիսի ժամանակ այս մասին նշեց ՀՀ առողջապահության նախարար Արսեն Թորսոյանը:
Ըստ նրա՝ ողջ հանրության պարտքն է թույլ չտալ, որպեսզի Հայաստանում կորոնավիրուսով վարակվածության դեպքերի թիվն աճի:
«Հույս ունենք, որ եթե նույնիսկ աճի այս տեմպը պահպանվի, դա բարենպաստ աճ է, որովհետև տոկոսային հարաբերակցությամբ նախորդ գումարային դեպքերի վրա հարաբերելով՝ շատ ավելի փոքր տոկոսով է աճում ամեն օր»,- փաստեց Ա. Թորոսյանը:
Վերջինիս հիշեցրեց կորոնավիրուսի արձանագրված դեպքերի թիվը վերջին չորս օրերին՝ կիրակի 4, երկուշաբթի՝ 40, երեքշաբթի՝ 30, չորեքշաբթի՝ 25, և ընդգծեց, որ այդ տվյալներն իրենց կողմից ձեռնարկված հետաքննությունների և մեծաթիվ մեկուսացումների արդյունք են: