Հրաժարական է տվել Լոռու մարզի Մեծավան համայնքի ղեկավարը

26-03-2020 19:19:04   | Հայաստան  |  Ի՞նչ է գրում մամուլը
«Հայկական ժամանակ»-ի տեղեկություններով՝ հրաժարական է ներկայացրել Լոռու մարզի Մեծավան խոշորացված համայնքի ղեկավար Սերյոժա Վարդանյանը: Հրաժարականի դիմումը նա ներկայացրել է ավագանու նիստին: Ավագանու 11 անդամներից նիստին ներկա 10 անդամները հաստատել են համայնքի ղեկավարի հրաժարականը:
 


ՀԺ-ն փորձեց մեկնաբանություն ստանալ նաեւ Սերյոժա Վարդանյանից, հեռախոսազանգին, սակայն, պատասխանեց համայնքի ղեկավարի տեղակալ Արուս Դումիկյանը, որն էլ տեղեկությունը հաստատեց: Ըստ տեղակալի՝ հրաժարականի պատճառը Սերյոժա Վարդանյանի առողջական խնդիրներն են: Վարդանյանը Մեծավանի
գյուղապետ էր ընտրվել 1996 թ.-ից:
 
Նրա անունը շրջանառվում է մի քանի քրեական գործերի՝ պաշտոնական կեղծիք կատարելու, ինչպես նաեւ յուրացումների հետ: Նա 2018 թ.-ին ձերբակալվել էր չարաշահումներ կատարելու կասկածանքով, սակայն պատճառված վնասը վերականգնելուց հետո ազատ էր արձակվել:
 
Լոռու մարզպետարանի ՏԻՄ վարչությունից ՀԺ-ին հայտնեցին, որ, ըստ գործող կարգի, 3-օրյա ժամկետում Լոռու մարզպետը պետք է համայնքի ղեկավարի պաշտոնակատար նշանակի: Այնուհետ արդեն ավագանու որոշումը կներկայացնեն կառավարություն, որն էլ ընտրության օր կորոշի:
 
 
 
 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 365 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար