Ս. ԳՐԻԳՈՐ ԼՈՒՍԱՒՈՐՉԻ ԱՋՈՎ ՕՐՀՆՈՒԵՑԱՒ ՀԱՄԱՅՆ ՀԱՅՈՒԹԻՒՆԸ ԱՆԹԻԼԻԱՍԻ ՄԱՅՐԱՎԱՆՔԷՆ

30-03-2020 09:21:12   | Լիբանան  |  Մամլո հաղորդագրություն
 


 
Կիրակի, 29 Մարտ 2020-ին, Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ մատուցուած Ս. եւ Անմահ Պատարագէն հաւատացեալներ թէեւ ֆիզիքապէս բացակայեցան՝ համաշխարհային համաճարակ «Քորոնա» ժահրին պատճառով, սակայն անոնք կարողացան Կաթողիկոսարանի ընկերային լրատուամիջոցներու ցանցին ճամբով աղօթակից դառնալ միաբանութեան եւ խումբ մը դպրեվանեցիներու։
 
Անթիլիասի Մայրավանքի Ուխտի Օրուան առիթով
եւ Ն.Ս.Օ.Տ.Տ. Արամ Ա. Կաթողիկոսի հանդիսապետութեամբ մատուցուած Ս. Պատարագի աւարտին, Հայրապետը համայն հայութեան յղեց իր Հայրապետական պատգամը եւ յանուն հաւատացեալ մեր ժողովուրդի զաւակներուն խոնարհեցաւ ու համբուրեց հայոց հաւատքի հօր եւ երկրորդ լուսաւորիչ Ս. Գրիգոր Լուսաւորչի Ս. Աջը եւ անոր օրհնութիւնը փոխանցեց աշխարհացրիւ մեր ժողովուրդի զաւակներուն։
 
Նշենք, որ օր մը առաջ, Մայր Տաճարի Ուխտի Օրուան առիթով կատարուած հսկումի արարողութիւնը կարելի եղաւ նշել դարձեալ առցանց, եւ հաւատացեալները իրենց տուներէն միանալով՝ իրենց աղօթքներով հայցեցին սուրբին բարեխօսութիւնը։
 
Թող որ Ս. Գրիգոր Լուսաւորիչ բարեխօսէ մեր Տիրոջ Յիսուս Քրիստոսի մօտ, որպէսզի բոլոր չարերն ու չարութիւնները հեռանան աշխարհէն եւ հիւանդներուն շնորհէ առողջութիւն եւ «քորոնավիրուս»ին պատճառած զոհերուն հոգիները Իր ողորմութեան արժանացնէ։
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 250 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար