Հայաստանում արձանագրվել է կորոնավիրուսային հիվանդության հաստատված 58 նոր դեպք
30-03-2020 11:56:54 | Հայաստան | Հասարակություն
ՀՀ առողջապահության նախարարի մամուլի խոսնակ Ալինա Նիկողոսյանն իր ֆեյսբուքյան էջում Հայաստանում կորոնավիրուսի տարածմամբ պայմանավորված նոր տվյալներ է ներկայացրել.
Նա գրել է.
«Թարմացում, 30.03.2020, 11:00-ի դրությամբ
Մարտի 29-ի դրությամբ ունենք կորոնավիրուսային հիվանդության հաստատված 58 նոր դեպք:
Նշենք, որ նրանցից 25-ը գտնվել է կարանտինում, 31-ը հաստատված դեպքերի կոնտակտավոր է: Մնացած 2 դեպքի շփման շրջանակը պարզվում է»:
Այսպիսով՝ Հայաստանում կորոնավիրուսով վարակված է ընդհանուր 482 անձ:
Հիշեցնենք, որ մինչ օրս Հայաստանում կորոնավիրուսից առողջացել է 30 անձ, մահացել՝ 3-ը:
Հայաստանում մարտի 16-ից մինչև ապրիլի 14-ն արտակարգ դրություն է հայտարարված, իսկ մարտի 24-ից մինչև մարտի 31-ը ՀՀ ողջ տարածքում սահմանափակված է մարդկանց ազատ տեղաշարժվելու իրավունքը:
ՀԱՅԵՐԵՆ
Русский
English
Դաս. հայերեն
French
