Այն հղիները, որոնց ամուսիներն աշխատանքից ազատվել են մարտի 13-30 ընկած ժամանակահատվածում, 100 հազար դրամի չափով միանվագ նպաստ կստանան

30-03-2020 14:20:19   | Հայաստան  |  Հասարակություն
Կորոնավիրուսի տնտեսական հետևանքները չեզոքացնելուն ուղղված ՀՀ կառավարության կողմից ընդունված թվով 7-րդ աջակցության փաթեթը վերաբերում է հղի կանանց: 
 


Ինչպես մարտի 30-ին հրավիրված արտահերթ նիստում զեկուցեց ՀՀ աշխատանքի և
սոցիալական հարցերի նախարար Զարուհի Բաթոյանը, հղի կանանց աջակցությունը տրամադրվում է միանվագ նպաստի ձևով՝ 100 հազար դրամի չափով: 
 
«Միջոցառման շահառու է հանդիսանում այն հղի կինը, ով 2020 թվականի մարտի 30-ի դրությամբ չունի աշխատանք և ում ամուսինն ազատվել է աշխատանքից 2020 թվականի մարտի 13-ից մինչև մարտի 30-ն ընկած ժամանակահատվածում և չի անցել մեկ այլ աշխատանքի նույն ժամանակահատվածում»,- ներկայացրեց նախարարը: 
 
Վարչապետ Նիկոլ Փաշինյանն էլ ընդգծեց, որ հղի կանանց չպետք է նեղացնել, հետևաբար նրանց դեպքում որևէ սահմանափակում չի կիրառվելու: 
 
«Այստեղ հարց ծագեց, իսկ միայնակ հղի կանանց պարագայում գործո՞ւմ է այս կարգավորումը»,- հարցրեց վարչապետը: 
 
Զ. Բաթոյանը տեղեկացրեց, որ չի գործում և հիմնավորեց. 
 
«Որոշմամբ ամրագրված է, որ եթե աշխատանք չունի և ում ամուսինն ազատվել է աշխատանքից: Աշխատող հղի կանանց Աշխատանքային օրենսգիրքը պաշտպանում է, և այս դեպքում իրենց, այնուամենայնիվ, չեն կարող որևէ դեպքում ազատել աշխատանքից»: 
 
 
 
 
 
Էիզա Զախարյան, «Նոյյան Տապան» 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 1409 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար