Նախագծի նպատակը հասկանալի է, բայց կիրառվող միջոցները խնդրահարույց են. Գևորգ Գորգիսյանը՝ ԱԺ-ի ընդունած օրինագծի մասին

30-03-2020 17:26:39   | Հայաստան  |  Հասարակություն
Նախագծի նպատակը հասկանալի է, բայց կիրառվող միջոցները խնդրահարույց են և շատ հարցեր առաջացնող: 
 


Այս մասին մարտի 30-ին Ազգային ժողովում հրավիրված արտահերթ նիստի ընթացքում հայտարարեց «Լուսավոր Հայաստան» խմբակցության պատգամավոր Գևորգ Գորգիսյանը՝ անդրադառնալով կառավարության կողմից ներկայացված «Արտակարգ դրության իրավական ռեժիմի մասին» և «Էլեկտրոնային հաղորդակցության մասին» օրենքներում լրացում կատարելու մասին օրենքների նախագծերի փաթեթը: 
 
«Առաջին խնդրահարույց կետը՝ ինչո՞ւ է պետք պահպանել քաղաքացիների հեռախոսազանգերը, թե ով ում հետ է խոսել և երբ: Եթե մենք ուզում ենք ընդամենը նրա շփման՝ ֆիզիկապես
շփման շրջանակը պարզել, դրա համար ուղղակի պետք է նրա դիրքը և այդ դիրքը համեմատել այլ մարդկանց դիրքերի հետ, եթե պատրաստվում ենք բոլորի դիրքերն ունենալ: Զանգել դեռ չի նշանակում ֆիզիկական շփվում և հակառակը. ֆիզիկական շփում դեռ չի նշանակում, որ ինչ-որ մեկը զանգել է ինչ-որ մեկին»,- նկատեց Գ. Գորգիսյանը:
 
Նրա խոսքերով, եթե անգամ մարդկանց տվյալները պահպանվելու են ապանձնավորված, ապա միևնույն է, այդ տվյալները ցանկացած պահի կարելի է անձնավորել և պարզել, թե ովքեր են եղել տվյալ անձինք:
 
«Չկա նաև որևէ սահմանափակում, թե կոնկրետ այն հիմնարկությունը, որը պետք է զբաղվի սրանով, ինչ տեղեկատվական և տեխնիկական մեթոդներ պետք է կիրառի: Մենք գործ ունեն շատ լուրջ մարդկանց տվյալների տոտալ վերահսկողության գործիքների հետ, բայց չունենք որևէ վերհսկողության մեխանիզմներ, թե այն մարդիկ, որոնք պահելու են այս տվյալները, ինչ ստանդարտների պետք է համապատասխանեն: Նախագիծը շատ մտահոգիչ է, պետք է աշխատենք այս ամենը շտկելու ուղղությամբ»,- ընդգծեց պատգամավորը:
 
 
 
 
 
 
Էլիզա Զախարյան, «Նոյյան Տապան» 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 539 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար