Վրաստանի ԱԳՆ չի ճանաչում Ղարաբաղի խորհրդարանական եւ նախագահական ընտրությունները
01-04-2020 15:40:41 | Վրաստան | Քաղաքական
«Վրաստանի արտգործնախարարությունը չի ճանաչում Լեռնային Ղարաբաղի այսպես կոչված խորհրդարանական եւ նախագահական ընտրությունները»,- այս մասին, ինչպես հայտնում է «Գրուզիա օնլայն»-ը, ասված է այդ գերատեսչության հայտարարության մեջ։
«Վրաստանի արտաքին գործերի նախարարությունը վերահաստատում է իր աջակցությունը Ադրբեջանի Հանրապետության ինքնիշխանությանը և տարածքային ամբողջականությանը և չի ճանաչում այսպես կոչված խորհրդարանական և նախագահական ընտրությունները, որոնք տեղի ունեցան Լեռնային Ղարաբաղում 2020 թ․ մարտի 31-ին:
Վրաստանն աջակցում է ղարաբաղյան հակամարտություն միայն խաղաղ ճանապարհով կարգավորմանը, որը հաշվի է առնում միջազգայնորեն ճանաչված իրավունքի նորմերն ու սկզբունքները», - նշված է Վրաստանի ԱԳՆ-ի հայտարարությունում:
ՀԱՅԵՐԵՆ
Русский
English
Դաս. հայերեն
French
