Սուրբ Գրիգոր Լուսավորիչ ԲԿ-ն այսօր ամբողջությամբ կդատարկվի և կզբաղվի միայն կորոնավիրուսով վարակված քաղաքացիների բուժմամբ. Արսեն Թորոսյան
02-04-2020 12:09:23 | Հայաստան | Հասարակություն
Այս պահին Հայաստանում 9 բժշկական կազմակերպություն զբաղվում է գրեթե միայն կորոնավիրուսով վարակված հիվանդների բուժմամբ:
Այս մասին ապրիլի 2-ին կայացած կառավարության նիստում տեղեկացրեց ՀՀ առողջապահության նախարար Արսեն Թորոսյանը:
«Դա Նորքի հիվանդանոցն է, Օրթոպեդիայի ինստիտուտը, Նորք-Մարաշի ոստիկանության հոսպիտալը, Սուրբ Աստվածածին բժշկական կենտրոնի ծննդատան մասնաշենքը, որն ամբողջությամբ վերապրոֆիլավորվել է, Արտաշատի բժշկական կենտրոնը, Գյումրու և Վանաձորի ինֆեկցիոն հիվանդանոցները, Կապանի բժշկական կենտրոնի առանձին մասնաշենքը: Սակայն հաշվի առնելով նաև թվերի մեծացումը, մենք որոշում ենք կայացրել, որ մեր Հայաստանի Հանրապետության ամենամեծ բժշկական կենտրոնը նույնպես պետք է զբաղվի այս խնդրով, դա Սուրբ Գրիգոր Լուսավորիչ բժշկական կենտրոնն է, որն այսօրվա ընթացքում ամբողջությամբ կդատարկվի և կծավալվի միայն որպես կորոնավիրուսի դեմ պայքարի»,- ասաց նախարարը:
Նրա խոսքերով՝ Սուրբ Գրիգոր Լուսավորիչ բժշկական կենտրոնից վերակենդանացման բաժանմունքի հիվանդները կտեղափոխվեն այլ բժշկական կենտրոններ, որպեսզի նրանց կայնքի վտանգ չսպառնա:
Ա. Թորոսյանի փոխանցմամբ՝ դա իրենց թույլ կտա դեռ երկար ժամանակ ունենալ բավարար մահճակալային ֆոնդ, որպեսզի հիվանդները հոսպիտալացվեն, հատկապես նրանք, ովքեր ունեն բժշկական օգնության կարիք:
ՀԱՅԵՐԵՆ
Русский
English
Դաս. հայերեն
French
