ՀՀ-ում ԱՄԷ դեսպան. ԱՄԷ-ի նպատակն է աշխարհում հասնել առավելագույնին
16-05-2020 21:14:35 | ԱՄԷ | Բարեգործություն
Հայաստանի Հանրապետությունում Արաբական Միացյալ Էմիրությունների դեսպան Ն. Գ. Մուհամմադ Իսա ալ Կատտամ Ալ Զաաբին, անդրադառնալով ԱՄԷ-ի մարդասիրական նախաձեռնություններին, նշել է. «ԱՄԷ-ն ընդլայնում է հումանիտար և զարգացման ծրագրերի շրջանակը և նրա նախաձեռնությունները հիմնված են մարդկանց կենսակերպի բարելավման, հույսի ամրապնդման և մարտահրավերների հաղթահարման տեսլականի վրա»: Դեսպանը հավելել է, որ ԱՄԷ-ի մարդասիրական ուղերձը ամրապնդել է երկրի իմաստուն կառավարությունը, և Էմիրությունները մշտապես օգնության ձեռք է մեկնում բոլոր կարիքավորներին` անկախ սեռից, կրոնից և ռասսայական պատկանելիությունից։
Դեսպան ալ Զաաբիի խոսքով` 2019 թվականի ընթացքում «Մուհամմադ բն Ռաշիդ Ալ-Մաքթումի գլոբալ նախաձեռնություններ» հաստատության կողմից մարդասիրական օգնություն է տրամադրվել 17 միլիոն մարդու, և այս ոլորտում ծախսերի ծավալը կազմել է 262 միլիոն դիրհամ:
«Ի դեպ, «Մուհամմադ բն Ռաշիդ Ալ-Մաքթումի գլոբալ նախաձեռնություններ» հաստատությունը տարածաշրջանում իր տեսակով ամենամեծն է, որի գործունեությունը ներառում է մարդասիրական, բարեգործական, զարգացման և հասարակական աշխատանքներ:
Հաստատության ուշադրության կենտրոնում են 5 հիմնական ուղղություններ`
-մարդասիրական և բարեգործական օժանդակություններ
-առողջապահություն և հիվանդությունների կանխարգելում
-կրթության և գիտելիքի տարածում
- ապագայի նորարարություն
-հասարակությունների հզորացում:
Հաստատությանը հաջողվել է հաղթահարել տնտեսական և սոցիալական դժվարությունները և բավարարել զարգացման և բարգավաճման պահանջները: Եվ այս ամենի արդյունքում ամրապնդվել է ԱՄԷ-ի հեղինակությունը նվիրատվությունների համաշխարհային քարտեզում»,- եզրափակել է դեսպանը:
ՀԱՅԵՐԵՆ
Русский
English
Դաս. հայերեն
French
