ԱՄՆ-ը դադարեցնում է հարաբերությունները Առողջապահության համաշխարհային կազմակերպության հետ բարեփոխումներից հրաժարվելու պատճառով։ Այս մասին հայտնել է ԱՄՆ նախագահ Դոնալդ Թրամփը, գրում է Ռոյթերը։
«Քանի որ նրանք հրաժարվել են անել շատ ցանկալի ու անհրաժեշտ բարեփոխումները, այսօրվանից դադարեցնոմ ենք հարաբերությունները ԱՀԿ հետ և վերաուղղորդում դրա ֆինանսավորումը», – ասել է Թրամփը։
ԱՄՆ նախագահը պնդել է, որ Չինաստանն ամբողջովին վերահսկում է ԱՀԿ-ն՝ չնայած տարեկան ընդամենը 40 միլիոն դոլար է վճարում, ի տարբերություն ԱՄՆ-ի, որն ամեն տարի մոտ 450 միլիոն դոլար է հատկացնում։ «Մենք բազմիցս առաջարկել ենք նրանց բարեփոխումներ անել, բայց նրանք հրաժարվել են գործել», – ասել է Թրամփը։
ՀԱՅԵՐԵՆ
Русский
English
Դաս. հայերեն
French
