«Գլորիա» կարի ֆաբրիկայի 115 աշխատակցի մոտ հաստատվել է կորոնավիրուս. Լոռիում 220 վարակակիր կա.ՀԺ

05-06-2020 14:08:17   | Հայաստան  |  Ի՞նչ է գրում մամուլը
Լոռու մարզում այսօրվա դրությամբ հաստատվել է կորոնավիրուսով վարակվածության 220 դեպք, որից 64 քաղաքացի արդեն առողջացել է: Այս մասին ՀԺ-ի հետ զրույցում հայտնեց Լոռու մարզպետ Անդրեյ Ղուկասյանը՝ նշելով, որ մահվան նոր դեպքեր, բարեբախտաբար, չեն գրանցվել (կորոնավիրուսի հետեւանքով մարզում մահացել է 1 մարդ):
 


Մարզպետը տեղեկացրեց, որ ավելացել է նաեւ «Գլորիա» կարի արտադրամասում վարակված աշխատակիցների թիվը. «54 նոր դեպք ունենք, «Գլորիա»-ի վարակված աշխատակիցների թիվը այսօրվա դրությամբ կազմում է 115»:
 
Լոռու մարզպետարանում այսօր առավոտյան մարզի ղեկավարը խորհրդակցություն է անցկացրել քաղաքային համայնքների ղեկավարների հետ: Ներկայացնելով համավարակի տարածման հետ կապված մարզում ստեղծված ընդհանուր իրավիճակը՝ Ղուկասյանը հորդորել
է հետեւողականությամբ իրականացնել պարետի ցուցումով սահմանված գործողությունները, վերահսկել հատկապես հոգեհանգստի եւ թաղման արարողությունների կազմակերպումը: Մարզպետը համայնքապետներին հանձնարարել է համայնքապետարանների աշխատակիցների շրջայցեր կազմակերպել՝ մարդկային կուտակումներ թույլ չտալու նպատակով:
 
Նախօրեին էլ մարզպետը շրջայց էր կատարել Վանաձորում: Մեզ հետ զրույցում վստահեցրեց՝ անակնկալ շրջայցերը մարզի տարբեր համայնքներում կրելու են շարունակական բնույթ:
 
Ինչ վերաբերում է «Գլորիա» կարի ֆաբրիկայի գործունեությունը 14 օրով սահմանափակելուն, Անդրեյ Ղուկասյանն ասաց. «Արտադրամասում քանի որ բոլորն արդեն կոնտակտավորներ են, այսպես, թե այնպես պետք է 14 օր ինքնամեկուսանան, հետեւաբար «Գլորիա» արտադրամասի աշխատանքները այսպես, թե այնպես հնարավոր չի լինի կազմակերպել առաջիկա 2 շաբաթների ընթացքում»:
 
Մարզում կորոնավիրուսի հաստատված դեպքերին զուգահեռ ընդլայնվել է նաեւ աշխարհագրությունը: Շարունակվում են դեպքեր գրանցվել նաեւ այն համայնքներում, որտեղ մինչ օրս վարակակիրներ չկային:
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 671 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար