Բարի մարդկանց ևս կորոնավիրուսը չի շրջանցում. Գագիկ Ծառուկյանը վարակվել է

30-06-2020 18:12:47 | Հայաստան | Ի՞նչ է գրում մամուլը

ՀՀ ԱԺ «Բարգավաճ Հայաստան» խմբակցության ղեկավար Գագիկ Ծառուկյանի մոտ հաստատվել է նոր տիպի կորոնավիրուս:

«Արմենպրես»-ի հետ զրույցում այս մասին ասաց Ծառուկյանի պաշտպան Էմին Խաչատրյանը:

«Ընդհանուր առմամբ ինքն իրեն լավ է զգում, սակայն 37.1 կամ 37.2 աստիճան ջերմություն է ունենում, երեկոյան մի փոքր բարձրացել էր: Ինձ հայտնել էին նաև, որ Գագիկ Ծառուկյանի մոտ թեթև թոքաբորբի ախտանշաններ են նկատվում»,- նշեց Խաչատրյանը:

ԼՐԱՑՈՒՄ. Գագիկ Ծառուկյանը ևս գրառում է կատարել «Ֆեյսբուք»-ի իր էջում։

«Փաստորեն բարի մարդկանց ևս կորոնավիրուսը չի շրջանցում։ Առողջություն բոլոր վարակակիրներին: Աստված պահապան մեզ բոլորիս»,- նշել է նա։

Ազգային ժողովի «Իմ քայլը» և «Բարգավաճ Հայաստան» խմբակցություններում կան նաև այլ վարակվածներ:

Լիլիթ Դեմուրյան

Նոյյան տապան - Ի՞նչ է գրում մամուլը