Ո՞վ պետք է պատասխան տա «հրավառության հետևանքով» սննկացած կազմակերպությունների համար
01-07-2020 14:13:03 | Հայաստան | Վերլուծություն
«Նոր Հայաստանում » տեղի ունեցող իրադարձություններն ու գործողությունների զուգորդված շղթան կարծես հետևողականորեն անտեսում և ետին պլան է գցում դիտավորյալ սննկացումներին զարկ տվող՝ պատկան մարմինների անհեռատես քայլերը։
Հայաստանի հանրապետությունում այլոց կողմից դիտավորությամբ սննկացման ուղղի տանող հսկայական ձեռնատիրական գործունեությյուն իրականացնող ընկերություններից մեկը՝ «Դոնմալ» ՍՊԸ-ն (այսուհետ նաև՝ Հայցվոր/ ձեռնարկատիրական գործունեություն է իրականացնում , զբաղվում է մսամթերքի ներկրմամբ և մեծածախ վաճառքով) այսօր կանգնած է օրհասական խնդրի առաջ, սակայն որևիցե կերպ պատկան մարմինների կողմից ոչ մի օժանդակություն օրենքի կիրառման տեսանկյունից չի ստացել, եթե ոչ հակառակը։
«Դոնմալ» ՍՊԸ-ի և «Ձյունիկ Սառնարան» ՍՊԸ-ի/այսուհետ նաև՝ Պատասխանող/ միջև 02.07.2019 թվականին կնքվել է պահատվության պայմանագիր/այսուհետ՝ Պայմանագիր/:
«Դոնմալ« ՍՊԸ-ի կողմից ներկրված սառեցման ենթակա մսամթերքը պայմանագրի համաձայն պահատվության է հանձնվում «Ձյունիկ Սառնարան» ՍՊԸ-ին:
19.08.2019թ. «Ձյունիկ Սառնարան» ՍՊԸ-ում հրդեհ է բռնկվել և ի պահ հանձնված «Դոնմալ» ՍՊԸ-ին պատկանող մսամթերքը, որի շուկայական արժեքը կազմում է՝ 157.187.250/ հարյուր հիսունյոթ միլիոն հարյուր ութսունյոթ հազար երկու հարյուր հիսուն/ ՀՀ դրամ գումար ամբողջությամբ փչացել է:
2019 թվականի օգոստոսի 19–ին Երևան քաղաքի Արշակունյաց պողոտայի 9/2 հասցեում գտնվող «Ձյունիկ Սառնարան» ՍՊԸ սառնարանային շինությունում բռնկված հրդեհի առթիվ ՀՀ արտակարգ իրավիճակների նախարարության հրդեհային և տեխնիկական անվտանգության հետաքննության վարչությունում նախապատրաստված նյութերով ՀՀ քրեական օրենսգրքի 185–րդ հոդվածի 3-րդ մասի 1-ին կետով նախատեսված հանցագործոթյան հատկանիշներով 2019 թվականի օգոստոսի 27–ին Երևան քաղաքի դատախազության դատախազի կողմից հարուցվել է թիվ 63201419 քրեական գործն ու ուղարկվել նախաքննության կատարման, որը ՀՀ գլխավոր դատախազի կողմից ուղարկվել է ՀՀ պետական եկամուտների կոմիտեի քննչական վարչություն։
Ձյունիկ Սառնարան ՍՊԸ-ն իր անշարժ գույքով երաշխավորել է «Ամստեր Ֆլաուերս» հայ-հոլանդական համատեղ ձեռնարկություն ՍՊԸ <<Ինեկոբանկ>> ՓԲԸ-ից ստացված վարկը, որը կազմում էր մոտ 4.000.000 ԱՄՆ դոլար գումար:
Այնուհետև 2019 թվականի, փետրվարի 28_ին «Տորնադո» ՍՊԸ (գրանցման վկայական թիվ 026482, ՀՎՀՀ՝ 00024444) դիմում է ներկայացրել Հայաստանի Հանրապետության սնանկության դատարան (այսուհետ նաև` Դատարան) ընդդեմ «Ամստեր Ֆլաուերս» հայ-հոլանդական համատեղ ձեռնարկություն ՍՊԸ՝ «Ամստեր Ֆլաուերս» հայ-հոլանդական համատեղ ձեռնարկություն ՍՊԸ (իրավաբանական հասցե՝ քաղաք Երևան, Այգեձորի 74/22, ծանուցման հասցե՝ քաղաք Երևան, Արշակունյաց 9, գրանցման համար՝ 264.110.07431, գրանցման ամսաթիվ՝ 06.03.2006թ., ՀՎՀՀ՝ 00250304, տնօրեն՝ Արտուր Արամայիսի Տիգրանյան, հասցեն՝ Կոտայքի մարզ, Քանաքեռավան, 12 փողոց, 4 շենք, բն. 3, անձնագիր BA 2548172, տրված 2016 թվականի փետրվարի 25-ին, 001-ի կողմից) սնանկ ճանաչելու պահանջի մասին:
Դատարանի 2019 թվականի ապրիլի 08-ի վճռով «Ամստեր Ֆլաուերս» հայ-հոլանդական համատեղ ձեռնարկություն ՍՊԸ ճանաչվել է սնանկ: «Ամստեր Ֆլաուերս» հայ-հոլանդական համատեղ ձեռնարկություն ՍՊԸ պարտավորությունը «Տորնադո» ՍՊԸ նկատմամբ կազմում է 1.328.177 ՀՀ դրամ:
Ուշադրության է արժանի այն, որ մոտ 4.000.000 ԱՄՆ դոլար պարտավորություն ունեցող կազմակերպությունը սնանկ է ճանաչվում 1.328.177 ՀՀ դրամ պարտավորությունները չկատարելու համար: «Տորնադո» սահմանափակ պատասանատվությամբ ընկերությունը՝ «Ամստեր Ֆլաուերս» հայ-հոլանդական համատեղ ձեռնարկություն ՍՊԸ սնանկ ճանաչելու համար 500.000 ՀՀ դրամ պետական տուրք է վճարել ինչը անտրամաբանական է՝ 1.300.000 ՀՀ դրամը ետ ստանալու համար 500.000 ՀՀ դրամ ծախս կատարելը:
«Ձյունիկ Սառնարան» ՍՊԸ պատկանող գրավադրված շենք-շինությունում հրդեհ է բռնկվել սնանկության գործով գնահատման աշկատանքներից առաջ և շենք-շինությունները գնահատվել է բավականին ցածր գնով:
2020 թվականի հունիսի 28_ին ժամը 11։08-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Արշակունյաց պողոտայում գտնվող «Ձյունիկ սառնարան» ՍՊԸ-ի շենքում։ Այս մասին հայտնում են ԱԻՆ լրատվական վարչությունից: Ցավոք, պատկան մարմինների գործելաոճում կարծես հետաքրքրություն անգամ չի առաջանում «Ձյունիկ սառնարան» ՍՊԸ-ի շենքում տեղի ունեցող հրդեհների հետևում թաքնված իրական պատկերը բացահայտելու հարցում։ Եվս մեկ անգան փաստում ենք, որ ուշադրության է արժանի այն, որ մոտ 4.000.000 ԱՄՆ դոլար պարտավորություն սպասարկող կազմակերպությունը, կարող է սնանկ ճանաչվել մոտ 2500$ պարտավորությունները չկատարելու պատճառով և շատ արագ սնանկության գործընթացով վաճառել գույքը։
Տպավորություն է, ասես
«Ձյունիկ Սառնարան» ՍՊԸ_ն իր հետ համագործակցող ընկերությունների (որոնք ծանր ֆինանսական վիճակում են գտնվում հրդեհի պատճառով) և պետական բյուջեի հաշվին, ամեն տարի Երևանի կենտրոնում պարբերաբար կազմակերպվում են խոշոր և բավականին շքեղ հրավառություններ։
Իսկ ո՞վ պետք է պատասխան տա «հրավառության հետևանքով» սննկացած կազմակերպությունների համար։