Նիկոլ Փաշինյանը շնորհավորական ուղերձ է հղել Ջասթին Թրյուդոյին

01-07-2020 16:25:45   | Հայաստան  |  Մամլո հաղորդագրություն
Վարչապետ Նիկոլ Փաշինյանը շնորհավորական ուղերձ է հղել Կանադայի վարչապետ Ջասթին Թրյուդոյին՝ Կանադայի օրվա առթիվ: Ուղերձում մասնավորապես ասված է.
 


 
«Մեծարգո պարոն վարչապետ,
 
Հայաստանի ժողովրդի և անձամբ իմ անունից ջերմորեն շնորհավորում եմ  Ձեզ և Կանադայի բարեկամ ժողովրդին՝ Կանադայի օրվա կապակցությամբ։
 
Հայաստանը բարձր է գնահատում Կանադայի հետ գործընկերության և փոխվստահության մթնոլորտում զարգացող բարեկամական հարաբերությունները։ Գոհու­նակությամբ
պետք է արձանագրեմ, որ մեր միջև ձևավորված անձնական ջերմ հարա­բերություններն առանձնահատուկ լիցք ու երանգ են հաղորդում տարբեր մակարդակ­ներում ընթացող հայ-կանադական երկխոսությանը։ Անշուշտ, երկկողմ հարաբերու­թյուն­ների զարգացման և խորացման գործում ուրույն տեղ ունի նաև կանադահայ հա­մայնքը:
 
Կարծում եմ՝ այս տարի, համավարակով պայմանավորված, Կանադայի օրը փոքր-ինչ այլ կերպ է նշվելու: Այդուհանդերձ, վստահ եմ, որ օրվա խորհրդի թելա­դրանքով կանադացիներն այն կանցկացնեն բարձր և տոնական տրամադրությամբ: Ուստի մեկ անգամ ևս շնորհավորում ու բարեմաղթանքներ եմ հղում Կանադայի բարեկամ ժո­ղովրդին»։
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 295 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար