Քրոնիկ շնչառական հիվանդություններ ունեցողները կարող են դիմակ չկրել. պարետի նոր որոշումը
08-07-2020 14:44:34 | Հայաստան | Մամլո հաղորդագրություն
Պարետ Տիգրան Ավինյանը այսօր՝ հուլիսի 8-ին, նոր որոշում է ստորագրել, որով բացառություններ է սահմանել դիմակի կրման հետ կապված։
Այսպիսով, քրոնիկ շնչառական հիվանդություններ՝ ասթմա, թոքերի քրոնիկ օբստրուկտիվ հիվանդություն, էմֆիզեմա կամ բրոնխիտ` ծանր շնչառական անբավարարության առկայության դեպքում, ինչպես նաև 3-րդ, 4-րդ ֆունկցիոնալ դասի քրոնիկ սրտային անբավարարություն ունեցող անձինք հանրային բաց տարածքներում կարող են չկրել դիմակ՝ պայմանով, որ վերջիններս իրենց մոտ ունենան համապատասխան հիվանդության փաստը հաստատող բժշկական փաստաթուղթ:
Որոշումն ուժի մեջ է մտնում 2020 թվականի հուլիսի 8-ից՝ ժամը 23:59-ից:
ՀԱՅԵՐԵՆ
Русский
English
Դաս. հայերեն
French
