Հայաստանի Հանրապետության պատվիրակությունը Լիբանանում այցելել է Բեյրութի Թեքեյան կենտրոն

11-08-2020 18:48:50   | Լիբանան  |  Մամլո հաղորդագրություն
ՀՀ վարչապետի աշխատակազմի Սփյուռքի հարցերի գլխավոր հանձնակատար Զարեհ Սինանյանի գլխավորած պատվիրակությունը Լիբանանում այցելել է Բեյրութի Թեքեյան կենտրոն: 
 


Հայկական պատվիրակության կազմում է եղել նաև Հայաստան-Լիբանան խորհրդարանական բարեկամության խմբի ղեկավար Հրաչյա Հակոբյանը: Պատվիրակությանն ուղեկցել է Լիբանանում Հայաստանի Հանրապետության դեսպան Վահագն Աթաբեկյանը: Կենտրոնում հյուրերին դիմավորել են ՌԱԿ Լիբանանի Շրջանային վարչության
ատենապետ ընկ. Սևակ Հակոբյանը, ՌԱԿ-ի նախկին պատգամավոր ԹՄՄ Հիմնադիր ժողովի ատենապետ ընկ. Հակոբ Գասարճյանը, ՌԱԿ Լիբանանի Շրջանային վարչության փոխատենապետ ընկ. Միքայել Վայեճյանը, ատենադպիր Արմեն Վայեճյանը և փոխատենադպիր ընկ.հի Ջեքի Դերվիվշյանը, ինչպես նաև Թեքեյան կենտրոնի վարիչ տնօրեն ընկ. Արա Թերզյանը:
 
Պատվիրակությունը Թեքեյան կենտրոնում ծանոթացել է Բեյրութում տեղի ունեցած պայթյունի հետևանքով շենքին հասցված վնասներին՝ շրջելով տարբեր հարկերով և այցելելով ԶԱՐԹՕՆՔ-ի խմբագրություն:
 
Կողմերի միջև տեղի է ունեցել խորհրդակցություն, որի ընթացքում քննարկվել են պատվիրակության առաքելությունն ու ներկա իրավիճակում լիբանանհայության հույզերն ու մարտահրավերները:
 
ՌԱԿ-ի և ԹՄՄ-ի ղեկավարությունն իր գնահատանքն է հայտնել Հայաստանի Հանրապետությանը, թե՛ Լիբանանին և թե՛ հայ համայնքին կատարված օժանդակությունների համար: Մասնավորապես, գնահատանքի է արժանացել «Հայաստան» համահայկական հիմնադրամի կողմից ստեղծված հատուկ հաշվեհամարը՝ ուղղված լիբանանահայության օգնությանը:
 
Պատվիրակությունը հաստատել է հայրենի պետության պատրաստակամությունը՝ իր ունեցած միջոցներով միշտ Լիբանանի և լիբանանահայության կողքին լինելու առնչությամբ:
 
 
 Ռամկավար ազատական կուսակցության գրասենյակ 
 
 
 
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 388 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար