«Միջազգային պայմանագրերի մասին» օրենքների նախագծերի փաթեթը կքննարկվի ԱԺ առաջիկա նիստում
17-09-2020 13:47:35 | Արցախ (ԼՂՀ) | Մամլո հաղորդագրություն
Արցախի Հանրապետության Ազգային ժողովի արտաքին հարաբերությունների մշտական հանձնաժողովը, Վահրամ Բալայանի գլխավորությամբ, սեպտեմբերի 17-ին հրավիրել է նիստ:
Նիստին ներկա Արտաքին գործերի նախարար Մասիս Մայիլյանի առաջարկով՝ օրակարգում ընդգրկված «Միջազգային պայմանագրերի մասին» օրենքների նախագծերի փաթեթը հանձնաժողովի քննարկմանն է ներկայացրել Արտաքին գործերի նախարարի տեղակալ Արմինե Ալեքսանյանը: Նախարարի տեղակալը պարզաբանել է առաջարկվող բոլոր փոփոխությունները և նշել, որ դրանք պայմանավորված են ԱՀ Սահմանադրության պահանջներով:
Պատգամավորները նախարարին են առաջադրել օրենքում առկա ձևակերպումներին, ԱԺ-ի կողմից վավերացվող պայմանագրերին վերաբերող հարցեր:
Օրենքների նախագծերի փաթեթի վերաբերյալ պարզաբանումներ է տվել նաև ԱԺ-ում ԱՀ նախագահի ներկայացուցիչ Արարատ Դանիելյանը:
Հանձնաժողովը քվեարկել և դրական եզրակացություն է տվել նախագծերի փաթեթը ԱԺ առաջիկա նիստում առաջին ընթերցմամբ քննարկելուն:
Հանձնաժողովի նիստին ներկա են եղել նաև ԱԺ նախագահ Արթուր Թովմասյանը և ԱԺ նախագահի տեղակալ Գագիկ Բաղունցը:
ՀԱՅԵՐԵՆ
Русский
English
Դաս. հայերեն
French
