Վերին Գետաշենում բացվել է նախակրթարան

19-09-2020 12:37:54   | Գեղարքունինքի մարզ  |  Հասարակություն



Գեղարքունիքի մարզի թիվ 1 միջնակարգ դպրոցը նոր ուսումնական տարին նշանավորեց նախակրթարանի բացումով: Նախակրթարանի բացման արարողությանը մասնակցեցին ՀՀ
Կրթության, գիտության, մշակույթի եւ սպորտի նախարար Արայիկ Հարությունյանը եւ Գեղարքունիքի մարզպետ Գնել Սանոսյանը: Դպրոցի տնօրեն Հասմիկ Բաղդասարյանի ներկայացմամբ՝ Վերին Գետաշենի թիվ 1 միջնակարգ դպրոցի նախակրթարանի հիմնման ընդհանուր բյուջեն կազմել է 11 միլիոն 949 հազար դրամ, որից 4 միլիոն 820 հազար դրամը կազմել է Վերին Գետաշենի համայնքապետարանի հանամաֆինանսավորումը: Մնացած գումարը ներդրվել է ՀՀ ԿԳՄՍ նախարարության ծրագրերի իրականացման գրասենյակի կողմից: Շինարարական աշխատանքները մեկնարկել են 2020 թվականի հունիսից եւ ավարտվել օգոստոս ամսվա ընթացքում:Նախակրթարան են հաճախել նախադպրոցական տարիքի 25 երեխա: Համայնքում նախադպրոցական կրթությանն զարգացմանն աջակցելու նպատակով վերին գետաշենցի բարերար Արման Ռուբենյանը հատկացրել է 1 միլիոն 800 հազար դրամ՝ նախակրթարանում եւս մեկ սենյակ հիմնանորոգելու եւ լրացուցիչ 1 խումբ բացելու համար: Համայնքի ղեկավար Տիգրան Մուրադյանի ներկայացմամբ՝ այս պահի դրությամբ Վերին Գետաշենում նախադպրոցական կրթության կարիք ունեն 2015 թվականին ծնված 75 երեխա: Նրանցից 30-ն ընդունվել են համայնքի մանկապարտեզ, 25-ը՝ նորաբաց նախակրթարան:
 
«Մնացած երեխաների համար կարող ենք բացել երկրորդ խումբը, եթե հասցնենք բարերարի միջոցներով արդեն նորոգված դասասենյակի համար ձեռք բերել պահանջվող գույքը: Անհրաժեշտ է կարգավորել նաեւ ջեռուցման խնդիրը, որպեսզի նախակրթրանը կարողանա անխափան գործել նաեւ ձմռան ամիսների ընթացքում»,- ներկայացրեց
համայնքի ղեկավարը: Մարզպետ Գնել Սանոսյանը գույքի ձեռքբերման եւ ջեռուցման խնդիրների կարգավորման հարցերում խոստացավ իր աջակցությունը: Նախարար Արայիկ Հարությունյանն իր գոհունակությունը հայտնեց շինարարական աշխատանքների որակից, միաժամանակ  շեշտելով, որ նման ժամանակակից նախակրթարանի կողքին անշուք է թվում դպրոցի շենքը, որտեղ հիմնանորոգման խիստ կարիք է զգացվում:
 
Նոյյան տապան   -   Հասարակություն
Լուրեր Հայաստանից եւ Սփյուռքից


Կարդացել են 216 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար