Հակառակորդը թիրախավորել է խաղաղ ազգաբնակչությանը. այս պահին մարտական գործողությունները շարունակվում են բոլոր ուղղություններով. ԱՀ ՊՆ
30-09-2020 10:25:25 | Արցախ (ԼՂՀ) | Մամլո հաղորդագրություն
Ամբողջ գիշերվա ընթացքում ճակատային գծի բոլոր ուղղություններով շարունակվել են մարտական գործողությունները: Առավել ինտենսիվ մարտեր են ընթացել հյուսիսային և հյուսիսարևելյան հատվածներում:
Մարտավարական նախաձեռնությունն իր օգտին բարելավելու հակառակորդի բոլոր փորձերը ձախողվել են: Հակառակորդն ունի սպառազինության, ռազմական տեխնիկայի և մարդկային լուրջ կորուստներ: Կիրառելով հրթիռահրետանային համակարգեր, հետախուզական և հարվածային անօդաչու թռչող սարքեր՝ թշնամին թիրախավորել է նաև խաղաղ ազգաբնակչությանը:
Օգտագործված հարվածային ԱԹՍ-ներից երկուսը ՊԲ ՀՕՊ ուժերի կողմից խոցվել են Ստեփանակերտի երկնքում: Այս պահին մարտական գործողությունները շարունակվում են բոլոր ուղղություններով: