Կորոնավարակով պայմանավորված սանիտարահիգիենիկ նորմերն անհրաժեշտ է պահպանել. ՍԱՏՄ
01-10-2020 11:52:49 | Հայաստան | Մամլո հաղորդագրություն
ՀՀ սննդամթերքի անվտանգության տեսչական մարմինը շարունակում է կորոնավարակով պայմանավորված սանիտարահիգիենիկ պահանջների պահպանմանն ուղղված ստուգայցերը սննդի շղթայի կազմակերպություններում:
Վերջին մեկ շաբաթվա դիտարկումները ցույց են տվել, որ տնտեսվարողները թուլացրել են հսկողությունն ու վտանգավոր վարակի վերացման համար անհրաժեշտ նորմերին հետևում են իմիջիայլոց:
Հասկանալով և կիսելով բոլորի մտահոգությունը՝ կապված Արցախում և Հայաստանի սահմանին ընթացող մարտերի հետ, այնուամենայնիվ ակնհայտ է, որ երկրում հաստատված ռազմական դրության պայմաններում առավել քան երբևէ անհրաժեշտ է աչալուրջ լինել և թույլ չտալ COVID- 19-ի տարածումը:
ՍԱՏՄ-ն հորդորում է սննդի ոլորտի տնտեսվարողներին պահպանել բարեխիղճ մոտեցումն ու սթափությունը, ավելի խիստ պահպանել հակահամաճարակային կանոնները՝ կրել դիմակներ, ունենալ դիմակների համար նախատեսված փակվող աղբամաններ և ախտահանիչ միջոցներ բոլոր համապատասխան վայրերում, ջերմաչափել հաճախորդներին, ախտահանել տարածքներն ու հարթ մակերեսները, սեղանները՝ յուրաքանչյուր հաճախորդից հետո, պահել ու պատշաճորեն վարել ջերմաչափման ու ախտահանման գրանցամատյանները:
ՍԱՏՄ տեսուչները շարունակելու են ամենօրյա ստուգայցերը, հետևելու են սահմանված նորմերի պահպանմանը հանրային սննդի օբյեկտներում, իրացման ցանցում ու սննդի արտադրություններում:
ՀԱՅԵՐԵՆ
Русский
English
Դաս. հայերեն
French
