ՀՀ-ն չծնկեց, կանգնեց մինչեւ վերջ, ու դա եղավ ձե’ր կյանքի գնով, Գեւորգ, Արտավազդ, Մանվել, Գեւորգ. Աննա Հակոբյան
20-10-2020 13:29:34 | Հայաստան | Հասարակություն
ՀՀ վարչապետի տիկին Աննա Հակոբյանը շարունակում է ֆեյսբուքյան իր էջում հրապարակել հերոսացած հայ զինծառայողների լուսանկարներն ու նրանց խոնարհումի խոսքեր փոխանցել:
«ՀՀ-ն չծնկեց, կանգնեց մինչեւ վերջ, ու դա եղավ ձե’ր շնորհիվ։
Դո’ւք կանգնեցիք մինչեւ վերջ։
Դո’ւք չընկրկեցիք թշնամու սարսափազդու զենքերի առաջ։ Դո’ւք չհավատացիք թուլամորթներին ու չսասանվեցիք դավաճանների հարվածներից։
ՀՀ-ն չծնկեց, կանգնեց մինչեւ վերջ, ու դա եղավ ձե’ր կյանքի գնով, Գեւորգ, Արտավազդ, Մանվել, Գեւորգ։
Մենք ձեզ հաղթանակած, հզոր, արդար, ծաղկուն հայրենիք ենք պարտք»,- գրել է Աննա Հակոբյանը: