«Դե, կիրառիր, մի ուշացիր». Էրդողանը չի վախենում ԱՄՆ պատժամիջոցներից
26-10-2020 11:48:15 | Թուրքիա | Ի՞նչ է գրում մամուլը
Թուրքիայի նախագահ Թայիփ Էրդողանը հայտարարել է, որ իր երկիրը չի վախենում ԱՄՆ պատժամիջոցներից ՝ ղարաբաղյան հակամարտության հարցում Ադրբեջանի աջակցության պատճառով: Նա միաժամանակ չի նշել, թե Վաշինգտոնում ովքեր են այդ առաջարկը ներկայացրել, գրում է Region Monitor-ը:
«Ամերիկայից ոմանք զանգահարում են եղբորս ՝ Իլհամին և ասում, որ իրենք գիտեն, թե ով է աջակցում Ադրբեջանին: Դրանք Էրդողանն ու Թուրքիան են: Ամերիկացիները Անկարային սպառնում են պատժամիջոցներով: Մենք էլ պատասխանում ենք. «Ամերիկա, դու չես հասկանում, թե ում հետ գործ ունես: Դե, կիրառիր, մի ուշացիր», - ասել է Թուրքիայի նախագահը՝ ելույթ ունենալով Մալաթիա քաղաքում (հեռարձակումն իրականացվել է նախագահի Twitter- ում):
Էրդողանը նաև ասել է, որ իր երկիրը չի ենթարկվի ԱՄՆ սպառնալիքներին՝ Անկարայից պահանջելով հրաժարվել ռուսական С-400 հակաօդային պաշտպանության համակարգերից:
ՀԱՅԵՐԵՆ
Русский
English
Դաս. հայերեն
French
