Նիկոլայ Բաղդասարյանը մերժել է Փաշինյանին ու հրաժարվել նախարարի պաշտոնից. Բադասյանին փոխարինողի փնտրտուքները շարունակվում են
24-11-2020 14:13:40 | Հայաստան | Ի՞նչ է գրում մամուլը
«Փաստինֆո»-ի տեղեկություններով՝ Փաշինյանի օրակարգում է ՀՀ արդարադատության նախարար Ռուստամ Բադասյանի պաշտոնանկությունը, սակայն չի գտնում թեկնածու։
Այս պաշտոնը ստանձնել առաջարկվել է «Իմ քայլի» մի քանի պատգամավորի, որոնք հրաժարվել են։ Նրանց թվում նշվում է նաեւ նախկին փաստաբան, իշխող ուժի խմբակցության պատգամավոր Նիկոլայ Բաղդասարյանին անունը։
«Փաստինֆո»-ն հեռախոսակապ հաստատեց պատգամավորի հետ՝ ճշտելու արդյոք իրեն առաջարկվել է նախարարի պաշտոնը, սակայն հարցը լսելուց հետո «Իմ քայլը» խմբակցության պատգամավոր Նիկոլայ Բաղդասարյանը նշել է, որ այս պահին գտնվում է հիվանդանոցում՝ առողջական խնդիրների պատճառով եւ չի կարող որեւէ հարցի պատասխանել։ Ներկայումս Փաշինյանը փնտրտուքները շարունակում է նաեւ նախկին իշխանության կադրերի շրջանում։