Զինվորների առաջ բոլորիս պարտքն է՝ անել հնարավորը և արժանապատիվ լուծում գտնել. ԱԳ նախարար
26-11-2020 15:30:30 | Հայաստան | Մամլո հաղորդագրություն
«Ռազմադաշտում ունեցել ենք ձախողում, դա պետք է ճիշտ գնահատենք, որովհետև մեր զինվորները անհամաչափ ուժերի դեմ էին հերոսաբար դիմադրում, հիմա մեր խնդիրն է անել հնարավորը, որպեսզի կայունանա իրավիճակը»,- կառավարության նիստից հետո լրագրողների հետ ճեպազրույցում հայտարարել է ՀՀ արտաքին գործերի նախարար Արա Այվազյանը:
Նախարարն անդրադարձել է նաև իր գործունեությանը, Այվազյանն ասել է. «Ովքեր ինձ ճանաչում են, շատ լավ գիտեն, և եթե ես պատասխանատվություն վերցրել եմ, ուրեմն նախևառաջ գտնում եմ, որ բոլորիս պարտքն է՝ անել հնարավորը և արժանապատիվ լուծում գտնել, դա մեր պարտքն է մեր զինվորների առաջ»:
Հարցին՝ որն էր նոյեմբերի 9-ի հայտարարության մեջ դրականը մեզ համար՝ նախարարը մեկնաբանել է. «Դրականն այն է, որ պատերազմը կանգնեցվել է»:
ՀԱՅԵՐԵՆ
Русский
English
Դաս. հայերեն
French
