ՀՀ Գեղարքունիքի մարզպետարանից հայտնում են, որ Գեղարքունիքի մարզի Վարդենիս համայնքի Այրք բնակավայրում ՀՀ Կառավարության կողմից իրականացվող սուբվենցիոն ծրագրերի շրջանակում ավարտվել է 8 կմ երկարությամբ խմելու ջրատարի արտաքին ցանցի կառուցումը:
«Ինչպես տեղեկացրեցին Գեղարքունիքի մարզպետարանի քաղաքաշինության վարչությունից, Այրք բնակավայրի խմելու ջրատարի արտաքին ցանցի կառուցման ծրագրի պայմանագրային արժեքը կազմել է 45 միլիոն 849 հազար դրամ, որի 70 տոկոսը կամ 32 միլիոն 94 հազար դրամը հատկացրել է ՀՀ Կառավարությունը, 30 տոկոսը կամ 13 միլիոն 754 հազար դրամը՝ Վարդենիսի համայնքապետարանը: Այս ծրագրի իրականացմամբ Այրքում հիմնովին լուծում է ստացել խմելու ջրի շուրջօրյա մատակարարման խնդիրը»,- ասված է մարզպետարանի հաղորդագրությունում։
ՀԱՅԵՐԵՆ
Русский
English
Դաս. հայերեն
French
