ԱՄՆ-ն կփակի Ռուսաստանի Դաշնությունում իր երկու հյուպատոսությունները. ТАСС
19-12-2020 12:20:07 | Հայաստան | Մամլո հաղորդագրություն
ԱՄՆ պետքարտուղար Մայքլ Պոմպեոն որոշում կայացրեց փակել Վլադիվոստոկում ԱՄՆ գլխավոր հյուպատոսությունը և դադարեցնել Եկատերինբուրգում գլխավոր հյուպատոսության աշխատանքը: Այդ մասին ТАСС-ին հայտնել է Պետդեպարտամենտի ներկայացուցիչը:
«Ռուսաստանում ԱՄՆ գլխավոր հյուպատոսությունների վերաբերյալ արտաքին քաղաքական գերատեսչության որոշումը կայացվել է Ռուսաստանի Դաշնությունում ԱՄՆ առաքելության աշխատանքն առավել օպտիմալ դարձնելու համար: Արդյունքում, Մոսկվայում ԱՄՆ դեսպանատան դիվանագիտական անձնակազմի վերակազմավորումը թույլ կտա առավել արդյունավետ և անվտանգ կերպով խթանել մեր արտաքին քաղաքական շահերը Ռուսաստանում:
ԱՄՆ-ում Ռուսաստանի գլխավոր հյուպատոսությունների հետ կապված որևէ գործողություն չի նախատեսվում», - ասել է գործակալության զրուցակիցը:
ՀԱՅԵՐԵՆ
Русский
English
Դաս. հայերեն
French
