ՀՖԿՍՊԻ-ի ռեկտորի պաշտոնին ընտրվել է Դավիթ Խիթարյանը
11-01-2021 22:10:57 | Հայաստան | Մամլո հաղորդագրություն
Հայաստանի Ֆիզիկական կուլտուրայի և սպորտի պետական ինստիտուտի ռեկտորի պաշտոնին ընտրվեց ժամանակավոր պաշտոնակատար Դավիթ Խիթարյանը:
Ինստիտուտի հոգաբարձուների խորհրդի նիստի մեկնարկին հայտնի դարձավ, որ երրորդ թեկնածուն` Հայ-ռուսական համալսարանի Ֆիզիկական դաստիարակության և առողջ ապրելակերպի ամբիոնի վարիչ Արմեն Գրիգորյանը ինքնաբացարկ էր ներկայացրել:
Ներկա երկու թեկնածուները ` ՀՖԿՍՊԻ ռեկտորի ժամանակավոր պաշտոնակատար Դավիթ Խիթարյանը և ՀՖԿՍՊԻ ուսումնագիտական աշխատանքների գծով պրոռեկտոր Գագիկ Սարգսյանը ներկայացրեցին իրենց հայեցակարգերը և ինչպես են տեսնում ինստիտուտի ապագան` առանձնացնելով իրենց կարծիքով հիմնական մի քանի ուղղություններ:
Այնուհետ տեղի ունեցած քվեարկությամբ 15-8 ձայների հարաբերակցությամբ Հայաստանի Ֆիզիկական կուլտուրայի և սպորտի պետական ինստիտուտի ռեկտորի պաշտոնին ընտրվեց Խիթարյանը:
Գագիկ Սարգսյանն էլ իր խոսքում շեշտեց, որ շնորհակալ է այն 8 քվեարկողներին, ովքեր հավատացել են իրեն: «Արմենպրես»-ի հետ զրույցում Սարգսյանն ասաց նաև, որ կշարունակի դասախոսել ինստիտուտում, բայց չի մնա ՀՖԿՍՊԻ ուսումնագիտական աշխատանքների գծով պրոռեկտորի պաշտոնում:
«Բուհի պատմության մեջ առաջին անգամ քվեարկության ժամանակ ձայների այսպիսի բաշխումը խոսում է իմ կատարած բարեփոխումների մասին»,-լրագրողների հետ զրույցում ասաց Խիթարյանը:
Դավիթ Խիթարյանը ՀԳԿՍՊԻ շրջանավարտ է և ռեկտորի պաշտոնը ստանձնել է 5 տարով:
ՀԱՅԵՐԵՆ
Русский
English
Դաս. հայերեն
French
