Շուշիի հռչակագրի քողարկված սպառնալիքները կամ ինչու ՀՀ խորհրդարանը չհաստատեց այն դատապարտող նախագիծը
23-02-2022 16:10:17 | Հայաստան | Օրվա թեման
Հայաստանի խորհրդարանը չհաստատեց «Շուշիի հռչակագիր»-ը դատապարտող նախագիծը: «Քաղաքացիական պայմանագիր» խմբակցությունը ձեռնպահ քվեարկեց` կասեցնելով «Հայաստան» խմբակցության օրենսդրական նախաձեռնության հետագա քննարկումները խորհրդարանում:
Ի վերջո, ընդունելի՞ է, թե՞ անընդունելի Հայաստանի իշխանության համար «Շուշիի հռչակագիրը»՝ հարց բարձրացրին «Հայաստան» խմբակցության պատգամավորները:
Իշխանության տեսակետը ներկայացրեց պատգամավոր Գուրգեն Արսենյանը` նշելով, թե 8 ամիս առաջ Հայաստանի Արտգործնախարարությունն անդրադարձել է այս խնդրին հրապարակային հայտարարությամ և մեկնաբանությամբ, իսկ առաջարկվող նախագիծը այդ նույն թեզերի կրկնությունն է։ Ըստ պատգամավորի, Հայաստանի կառավարության ծրագրի առանցքային կետ է հանդիսանում տարածարջանում երկարատև խաղաղություն հաստատելը, իսկ այդ նպատակին հասնելու, ինչպես նաև գործընթացը որևէ պարագայում չվիժեցնելու համար Հայաստանի իշխանությունները վարում են համապատասխան արտաքին քաղաքականություն, որում հաշվի են առնվում առկա գործընթացներից բխող բոլոր ռիսկերն ու հնարավորությունները:
ՀԱՅԵՐԵՆ
Русский
English
Դաս. հայերեն
French
