«Ընդդիմությունն իր բոլոր ռեսուրսները կներդնի` այսօր մարդաշատ հանրահավաք անցկացնելու համար։ Ընդդիմության համար սկզբունքորեն կարեւոր է, որ այս հանրահավաքը` մի շարք բաղադրիչներով, գոնե չզիջի մայիսի 1-ի հանրահավաքին։
Բայց շատ ավելի կարեւոր է, թե ինչ է լինելու վաղը, որովհետև շարժումը գտնվում է անկման փուլում ու անցած օրերի սցենարի կրկնությունը ոչ մի տեղ չտանող ճանապարհ է` ընդդիմության ռեսուրսների փոշիացման կանխատեսելի վերջաբանով։
Պատասխանատու ընդդիմությունն այսօր հարթակում կարող է արձանագրել որոշ հաջողություններ (օրինակ` անցած օրերին ԼՂ խնդրում, հայ- ադրբեջանական դիալոգում պաշտոնական Երեւանի դիրքորոշումներն ավելի հստակ են դարձել, ընդդիմությունը դա կարող է գրանցել իր պայքարի ակտիվում), հրապարակել քաղաքական օրակարգ` իշխանությունից պահանջելով դրա շուրջ քաղաքական դիալոգ։
Այսպես կվարվեր ցանկացած պատասխանատու ընդդիմություն, սակայն վստահ չեմ, որ այսօրվա հարթակը նման կատեգորիաներով է առաջնորդվելու։
Եթե այսօր վաբանկային տրամաբանությունը շարունակվի, ապա այս գործընթացին սպասվում է մոտավորապես այն վերջաբանը, ինչ տեղի ունեցավ 2020-ի նոյեմբերի 9-ի զարգացումներից հետո, իհարկե` առանց նոր արտահերթ ընտրությունների։
Նման կանխատեսման պատճառն այն չէ, որ Նիկոլ Փաշինյանի իշխանությանը ժողովուրդը սիրում է կամ ուզում է պահել։ Ուղղակի, երկրում իշխանափոխություն չի կարող լինել այն պարագայում, երբ ընդդիմությունն ավելի որակով չէ, քան իշխանությունը։
Հիմա մենք ունենք ընդդիմություն, որը հարուստ է, ունի ռեսուրսներ, բայց քաղաքական առումով` անտաղանդ է։ Նման իրավիճակում` ժողովուրդը չի ուզում ցեխից դուրս գալ ու հայտնվել ցեխաջրում»։
ՀԱՅԵՐԵՆ
Русский
English
Դաս. հայերեն
French
