Իշխանության ու ընդդիմության «ինչու»-ները

17-05-2022 17:10:41 | Հայաստան | Մեկնաբանություն

Քաղաքագետ Սուրեն Սուրենյանցը գրում է.

«Ոչ մի ընդդիմադիր գործընթաց, շարժում, մանավանդ, եթե այն վաբանկային տրամաբանություն ունի, անվերջ շարունակվել չի կարող։

«Ամեն ինչ կամ ոչինչ» տրամաբանությունը ենթադրում է կամ հեղափոխություն կամ դրա տապալում` դրանից բխող հետեւանքներով։ Սա հենց այն օրն է, երբ ընդդիմությունն առավելագույնս բարձրացրել է իրեն հավատացող հանրային խմբերի սպասումների նշաձողը։ Մյուս կողմից, օբյեկտիվորեն շարժումը հեղափոխական պոտենցիալ չունի։

Այսօր այս կոնտրաստը հանգուցալուծվելու է կամ դրվելու է այդ գործընթացի սկիզբը։

Ինչքան էլ ֆինալի աղմուկը մեծ լինի, հարթակը պետք է պատասխանի հիմնական հարցին` ինչո՞ւ Հայաստանում իշխանափոխություն տեղի չունեցավ։

Աղմուկից դուրս իշխանությունն, իր հերթին, պարտավոր է պատասխանել իր «ինչու»-ին` կապված Նիկոլ Փաշինյանի թիմի ռեֆորմիստական պոտենցիալի բացակայության հետ։

Հենց դա է ներքաղաքական պերմանենտ անկայունության հիմնական աղբյուրը։

Բարի ու խաղաղ օր բոլորիս...»:

Նոյյան տապան - Մեկնաբանություն