Ով է այս սեփականատիրոջը հուշել, որ կարելի է նման պատերը քանդել ու տեսարան ունենալ. Վիկտոր Մնացականյանը լուսանկարներ է հրապարակե
20-07-2022 19:23:47 | Հայաստան | Հասարակություն
Երեւանի Կենտրոն վարչական շրջանի նախկին ղեկավար Վիկտոր Մնացականյանը ֆեյսբուքի իր էջում լուսանկարներ է հրապարակել եւ գրառում արել:
Նա, մասնավորապես, նշել է. «Ես Ֆեյսբուկում միշտ աշխատում եմ կոռեկտ լինել և հատկապես չանձնավորել խնդիրները, բայց այս դեպքում հասկացա, որ արդեն չափը շատերը անցնում են և ժամանակն է, օրինակ, իմանանք՝ ով է էս սեփականատիրոջը հուշել որ կարելի է Նման Պատերը Քանդել ու տեսարան ունենալ, ինչը կլիներ նորմալ, եթե իհարկե չլիներ էս 1) ֆանտաստիկ 2) ճաշակով 3) գեղազարդ 4) օրիգինալ 5) հիշվող 6) տարբերվող 7) art-object Երևանի Ինքնության մաս կազմող (ու կարող եք շարունակել) արժեք մեզ համար:
Օրինակ Քաղաքաշինության կոմիտեին կամ կառավարությանը խնդրենք ճշտել՝ ո՞վ է ճարտարապետը, ո՞վ է կառուցապատողը, ո՞վ է սեփականատերը, ո՞վ է դիզայները, ո՞վ է շինարարը ու մնացած անպատասխանատու մասնակիցները և հետագայում օրենսդրական նախատձեռնություն լինի ասենք լիցենզիայից զրկել նրանց կամ գցել «սև ցուցակ»:
Հասարակական պարսավանքի մասին կլռեմ:
Դե իսկ քաղաքապետարանի պատասխանատու վարչությունները ու մշակույթի նախարարությունը (որը չկա) ինչպես միշտ ռուլին քնած են...
Էն անիմաստ քաղաքաշինության, տեխնիկական և հրդեհային անվտանգության տեսչական մարմինն էլ հենա փակեք, թե պետք ա սենց աշխատի»:
ՀԱՅԵՐԵՆ
Русский
English
Դաս. հայերեն
French
