Թուրք քաղաքական գործիչը խոստանում է Ադրբեջանին օգնել ավելի շատ, քան՝ Էրդողանը
04-08-2022 11:20:22 | Հայաստան | Ի՞նչ է գրում մամուլը
Իրավաբան.net. Թուրքիայի «Երկիր» կուսակցության ղեկավար Մուհարրեմ Ինջեն, ով նախկինում եղել է Թուրքիայի ընդդիմադիր քեմալական «Ժողովրդահանրապետական կուսակցության» (CHP-ԺՀԿ) անդամ, քննադատել է իր նախկին կուսակցության ներկայիս նախագահ Քեմալ Քըլըջդարօղլուին:
Այս մասին տեղեկանում ենք Ermenihaber.am-ից։
Այս համատեքստում Ինջեն անդրադարձել է նաև Հայաստանին՝ նշելով, որ իշխանության գալու դեպքում իրենց քաղաքական ուժն ավելի շատ կօգնի Ադրբեջանին, քանի հիմա է դա արվում իշխանությունների կողմից։
«Թուրքիան Ադրբեջանին օգնեց: CHP-ի պատգամավորը վերկացավ և ասաց, որ «Ցավոք, Թուրքիան օգնել է Ադրբեջանին»: Դրա խելքին նայեք։
«Իշխանության գալու դեպքում մեր կուսակցությունն Ադրբեջանին ավելի շատ է օգնելու: Էրդողանը քիչ արեց, մենք ավելի շատ ենք օգնելու և Հայաստանի դիմաց Ադրբեջանին չենք տրորելու»,- ասել է կուսակցապետը:
ՀԱՅԵՐԵՆ
Русский
English
Դաս. հայերեն
French
