Կրեմլը սպառնում է թիրախավորել Ուկրաինայում «Բայրաքթարների» գործարանը
09-08-2022 15:42:00 | Հայաստան | Ի՞նչ է գրում մամուլը
Ազատություն. Ուկրաինայում թուրքական «Բայրաքթար» անօդաչու թռչող սարքերի արտադրության գործարանի կառուցումը կդառնա ռուսական զորքերի հարվածների թիրախ և նոր տառապանքներ կբերի ուկրաինացիներին, այսօր հայտարարել է Ռուսաստանի նախագահի խոսնակ Դմիտրի Պեսկովը։
«Նման կառույցի ստեղծման փաստն, իհարկե, անմիջապես ընկնում է ապառազմականացման թեմայի տակ։ Սա պետք է հասկանալ» ,- ասել է Կրեմլի խոսնակը։
Նախօրեին Թուրքիայում Ուկրաինայի դեսպան Վասիլի Բոդնարը հայտարարել է, որ Baykar ընկերությունը մտադիր է Ուկրաինայում «Բայրաքթար» անօդաչու թռչող սարքերի գործարան կառուցել:
Ուկրաինացի դիվանագետը նշել է, որ թուրքական ընկերությունն արդեն ձեռք է բերել գործարանի համար նախատեսված տարածքը։
ՀԱՅԵՐԵՆ
Русский
English
Դաս. հայերեն
French
