Գյումրու փոխքաղաքապետ Դավի Առուշանյանը կվերցնի՞ արդյոք պատգամավորական մանդատը. ՔՊ ցուցակում հաջորդը նա է
03-10-2022 19:52:11 | Շիրակի մարզ | Ի՞նչ է գրում մամուլը
«Քաղաքացիական պայմանագիր» խմբակցությունը պատգամավոր Վահագն Հովակիմյանին առաջադրել է որպես ՀՀ կենտրոնական ընտրական հանձնաժողովի նախագահի թեկնածու։ Վերջինս դադարեցրել է անդամակցությունը կուսակցությանը:
Որպես պատգամավորի թեկնածու՝ Հովակիմյանից հետո ընտրացուցակում հաջորդ համարը Գյումրու փոխքաղաքապետ Դավիթ Առուշանյանն է։
Կնախընտրի մնալ Գյումրիում որպես փոխքաղաքապե՞տ, թե՞ կվերցնեի պատգամավորական մանդատը, «Հայկական ժամանակ»-ի հետ կարճ հեռախոսազրույցում Առուշանյանն ասաց, որ այս պահին ոչինչ ասել չի կարող։
«Հովակիմյանը դիմումը նոր է գրել, և դեռ մեկ շաբաթ նա կհամարվի պատգամավոր։ Երբ նրա դիմումը ստորագրվի, կխոսենք այս մասին։ Մեկ շաբաթում շատ բան կարող է փոխվել»,- ասաց Առուշանյանը։
Հարցին՝ եթե Վահագն Հովակիմյանը, այնուամենայնիվ, շաբաթվա ընթացքում հետ չվերցնի պատգամավորությունից հրաժարականի իր դիմումը, ի՞նչ որոշում կընդունի Առուշանյանը, Գյումրու փոխքաղաքապետն ասաց՝ դեռ վերջնական որոշում չունի։
ՀԱՅԵՐԵՆ
Русский
English
Դաս. հայերեն
French
