Արևմուտքում սկսել են հարցեր տալ տեղի ունեցողի մասին. ՌԴ ԱԳՆ-ն՝ «Մասկի ծրագրի» մասին
05-10-2022 11:29:00 | Հայաստան | Ի՞նչ է գրում մամուլը
Sputnik. Աշխարհը հիմա խորապես զգում է Ուկրաինայի շուրջ իրավիճակի հետ կապված և Արևմուտքի կողմից հրահրված բոլոր ցնցումները։
Ուկրաինայի վերաբերյալ գործարար Իլոն Մասկի ծրագիրը հանրային բանավեճի մի մասն է, Արևմուտքում սկսել են հարցեր տալ տեղի ունեցածի մասին, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
Օրեր առաջ Մասկը գրել էր, որ կասկածում է Ռուսաստանի դեմ լայնամասշտաբ պատերազմի դեպքում Ուկրաինայի հաղթանակի հնարավորությանը և կողմերին խաղաղության կոչ էր արել: Նա նաև Ուկրաինայում հակամարտության կարգավորման իր տեսլականն էր առաջարկել։ Մասկի ծրագիրը ենթադրում է «կրկնակի քվեարկություն Դոնբասում ՄԱԿ-ի հսկողության ներքո», Ղրիմի պահպանումը «որպես Ռուսաստանի ֆորմալ մաս, ինչպես դա եղել է 1783 թվականից հետո (մինչև Խրուշչովի սխալը)», Ղրիմի ջրամատակարարման երաշխիքները և Ուկրաինայի չեզոք կարգավիճակը:
«Իմաստ չունի այս ամենը մեկնաբանել, քանի որ դա հասարակական բանավեճ է, կան տարբեր մարդիկ, քաղաքական, հասարակական գործիչներ, գործարարներ, մեկենասներ, բարերարներ, դերասաններ, նրանք իրենց կարծիքներն ունեն, նրանք մասնակցում են բանավեճին, յուրաքանչյուրն իր նպատակը և խնդիրն ունի»,-ասել Է Զախարովան Sputnik ռադիոյի եթերում:
Զախարովան նշել է, որ աշխարհը հիմա խորապես զգում է Ուկրաինայի շուրջ իրավիճակի հետ կապված և Արևմուտքի կողմից հրահրված բոլոր ցնցումները, և վերջապես, հավանաբար, Արևմուտքում սկսում է հարց ծագել. իսկ առհասարակ ի՞նչ է այս ամենը նշանակում, իսկ ինչո՞ւ է այս ամենը տեղի ունենում, ինչպիսի՞ն է այս ամենում Սպիտակ տան, ԱՄՆ-ի, ՆԱՏՕ-ի կառույցների դերը։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Սեպտեմբերի 23-27-ը անցկացվեցին ԴԺՀ-ի, ԼԺՀ-ի, Խերսոնի ու Զապորոժիեի մարզերի՝ ՌԴ-ի կազմի մեջ մտնելու հանրաքվեներ:
Սեպտեմբերի 30-ին Պուտինը ստորագրեց ԴԺՀ-ն, ԼԺՀ-ն, Զապորոժիեի և Խերսոնի մարզերը Ռուսաստանի Դաշնության կազմում ընդգրկելու մասին պայմանագրերը։
Ուկրաինայում մարտական գործողություններն ընթանում են արդեն 223-րդ օրը։
ՀԱՅԵՐԵՆ
Русский
English
Դաս. հայերեն
French
