Գերմանիայի ԱԳՆ-ն անդրադարձել է հայ ռազմագերիների տեսանյութին
05-10-2022 11:59:29 | Հայաստան | Ի՞նչ է գրում մամուլը
Lragir.am. Գերմանիայի արտաքին գործերի նախարարությունն անդրադարձել է ադրբեջանցի զինծառայողների կողմից հայ ռազմագերիներին գնդակահարելու տեսանյութին: Գերմանիայի արտաքին գործերի նախարարությունը պատասխանել է թեմայի վերաբերյալ Haypress լրատվականի հարցին:
«Ադրբեջանցիների կողմից հայ ռազմագերիներին մահապատժի ենթարկելու մասին հաղորդագրությունները չափազանց անհանգստացնող են և պետք է պարզաբանվեն: Գերմանիան դատապարտում է միջազգային հումանիտար իրավունքի խախտումները», ասված է Գերմանիայի արտաքին գործերի նախարարության պատասխանում: