Գլխավոր քարտուղարի տեղակալ Նվարդ Վարդանյանը ներկայացրել է Արդարադատության նախարարության կողմից իրականացվող ժողովրդավարությանն ու մարդու իրավունքներին ուղղված բարեփոխումային ծրագրերը

19-11-2022 11:32:50 | Հայաստան | Մամլո հաղորդագրություն

Արդարադատության նախարարության գլխավոր քարտուղարի տեղակալ Նվարդ Վարդանյանը բանախոսել է «Երիտասարդների ձայնը կարևոր է» պանելային քննարկմանը, որն ուղղված է Հայաստանի ներկայիս ժողովրդավարական գործընթացներում երիտասարդների հնարավոր մասնակցության և ազդեցության ստեղծմանը:

Նվարդ Վարդանյանը երիտասարդներին է ներկայացրել Արդարադատության նախարարության կողմից ներկայումս իրականացվող ժողովրդավարությանն ու մարդու իրավունքներին ուղղված բարեփոխումային ծրագրերը և դրանց իրականացման գործողությունները:

Վարդանյանը կարևորել է Հայաստանում ժողովրդավարության արդի մարտահրավերները, ինչպես նաև այս համատեքստում ընդգծել՝ Հայաստանի ժողովրդավարական գործընթացում երիտասարդների ակտիվ մասնակցության և ներգրավվածության կարևորությունը:

Հանդիպմանը մասնակցել են 100 երիտասարդներ, որոնք հնարավորություն են ունեցել լսելի դարձնել Հայաստանում մարդու իրավունքների, ժողովրդավարության, օրենքի գերակայության վերաբերյալ իրենց պատկերացումները, տեսլականը և կիսել իրենց կարծիքը՝ ավելի ժողովրդավար պետություն կառուցելու վերաբերյալ:

Պանելային քննարկմանը՝ որպես բանախոս մասնակցել են նաև ՀՀ մարդու իրավունքների պաշտպան Քրիստինե Գրիգորյանը, Հելսինկյան քաղաքացիական ասամբլեայի Վանաձորի գրասենյակի ներկայացուցիչը և այլք:

Նոյյան տապան - Մամլո հաղորդագրություն

Կարդացել են 753 անգամ

Noyan Tapan TV