Պատգամավորը մեկնաբանել է՝ ինչու Ազատ գյուղի զինվորական կացարանում հրդեհված զինծառայողների դեպքով սգո օր չի հայտարարվել
01-02-2023 15:52:28 | Հայաստան | Ի՞նչ է գրում մամուլը
Հայկական ժամանակ.«Խնդրում եմ օրակարգ չմտցնել այդ հարցը, որ, տեսե՛ք, սգո օր չհայտարարվեց: Մենք հենց հիմա գտնվում ենք հիբրիդային պատերազմի մեջ, և ամեն պահ տարածաշրջանում և Հայաստանի հանրապետությունում կարող է լինել պատերազմական իրավիճակ»:
Այս մասին այսօր լրագրողների հետ զրույցում ասաց «Քաղաքացիական պայմանագիր» խմբակցության պատգամավոր Արմեն Խաչատրյանը՝ արձագանքելով հարցին, թե ինչո՞ւ Գեղարքունիքի մարզի Ազատ գյուղի զորամասի ինժեներասակրավորային վաշտի կացարանի հրդեհի և դրա հետևանքով 15 զինվորի զոհվելուց հետո սգո օր չհայտարարվեց:
«Դա և մի շարք այլ հանգամանքներ հաշվի առնելով, այո՛, Կառավարությունը սգո օր չհայտարարեց, և վստահ եմ, որ այդ հանգամանքները բավականին հիմնավոր են»,- հավելեց նա:
Գեղարքունիքի մարզի Ազատ գյուղի զորամասի ինժեներասակրավորային վաշտի կացարանի հրդեհի և դրա հետևանքով զոհերի ու վիրավորների մասին հայտնի դարձավ հունվարի 19-ի վաղ առավոտյան ՀՀ պաշտպանության նախարարության պաշտոնական հաղորդագրությունից, որով հայտնվում էր՝ չպարզված հանգամանքներում պատահարը տեղի է ունեցել ժամը 01:30-ի սահմաններում, որի հետևանքով զոհվել է 15, վիրավորվել՝ 3 անձ:
ՀԱՅԵՐԵՆ
Русский
English
Դաս. հայերեն
French
